هاتجيبى كيلو لبن و تغليه
يديكى 8 اكواب سعة 125 جرام
لما يهدى اللبن يعنى يبقى دافى جدا و لكن مش مولع علشان الزبادى هايبوظ لو اللبن كان سخن
تدوبى فيه عدد اتنين علبة زبادى بالفاكهة النكهة اللى تحبيها
و تدوبى كمان عدد 16 معلقة صغيرة سكر
يعنى بمعدل معلقتين لكل كوب
و تصبيهم فى اكواب ماكينة الزبادى
و تغلقى الماكينة و تفتحى عليها بعد 6 ساعات
تاخدى الأكواب تغطيها و تحطيها فى التلاجة لحد ماتبرد
و طبعا لو عايزة بعد كده زبادو
اضربيه فى الخلاط و ممكن تضيفى ربع كوب حليب عشان لو مش بتحبيه كثيف اوى وه
يكون مثل الزبادو