جميل أوي ... اتملت الشبكة العنكبوتية بالمواقع التفاعلية وحلول التواصل عن بعد, وكل يوم بيزيد الموضوع ويادوب ينخفض منحني موقع ليزدهر أخر.
السؤال هنا هل باتت العيشة الديجيتال البديل عن الأي كونتاكت Eye contact - والمشاركة والتفاعل الإنساني الحية وارتاح ضمير الخلق من واجب صلة الرحم بإضافة الاقارب في الكونتات ليست ؟
ونرجع نلوم الزمن والعيشة واللي عايشنها في حالة فصام واضحة وجماعية وغريبة والدنيا تلاهي, والكسبان هما دكاترة العظام والعمود الفقري.
لم كنت في عَمان حيث الحياة الرتيبة المليئة بالعمل صبح وليل سألت عن النادي الإجتماعي المصري, رحت ولقيتو عبارة عن صالات بينج بونج وبلياردو كتير ويارت فيها حد بيلعب وموظف للعضويات الجديدة, فالواضح ان الموضوع كبير وطايل جوة وبرة وبيتهايالي دة بسبب تسارع وتيرة الإكتشافات والإختراعات وإحتلالها مكان العلاقات الإنسانية.
طيب كلم صاحبك علي الموبايل أو حتي رنلو مش لازم تروحلو وتتقبلو أو أبعتلو ماسيدجز, وتيجي تتفرج علي الفضايح في اللقاءات الاولي بين الناس من عدم لياقة او أداب اللقاء.
حد يشتري موبايلي ؟
حاتم عبد المنعم