فكرة جديدة للموقع ياريت تعجبكم وتوافقو عليها

يا حماعة انا بلاحظ ان ممكن يكون فى تعليقات جميلة جدا وتستاهل ان الواحد يديلها نقاط يعنى مثلا ترحيب بعضو جديد و شاعرة الموقع كتبتله شعر انا شايف ان من حقها تاخد عليه نقط , علشان كدة انا بقترح لو يتعمل تحت كل تعليق زى لايك اللى على الفيس بوك بس الايك دى تدى نقطة على الاقل لصاحبها علشان هو عجب اللى قراها وكمان بتلاقو مقالات مكتوبة والتعليقات بتاعتها جميلة وهادفة يبقى تستاهل التقيم , ومن وجه نظر اخرى ان ممكن يكون واحد كاتبلك حاجة انت عايز ترد علية واللى قالو مش مستاهل تعليق تانى , يا جماعة بجد انا شايف انها فكرة حلوة وها تخلى الناس تدعم التعليقات وتدى فيها وتطلع اللى جواها وما تكسلش

هو محمد قالى على موضوع انه ها يعمل دردشة انا بقترح انها تكون جماعية يعنى تظهر للناس كلها المشتركين فى الموقع و اون لاين وكلنا نتكلم مع بعض انا طبعا مش عارف هو ناوى يعمل اية بس دى وجهت نظرى وشايف انها هتكون لذيذة وفيها شفافية و هتجيب الضحك واللمة والناس ها تحب تخش تتكلم

موضوع ممكن يكون حصل لناس كتير وحصلى انا شخصيا
ممكن اكون كاتب مقال وحد يعمل تعليق وانا زعلت من التعليق االى كتبه وهو مخدش باله مثلا من حاجة زى كدة وبكون عايز اعرفه ان دى حاجة بتزعلنى او بتزعل دة او دة وعايز اقوله خد بالك او عدل التعليق او او او او او وبكون مش قادر اعمل كدة علشان بس مش عايز احرجه قدام الناس وعلشان كدة انا بقترح ان يكون فى رسائل نصية تتبعت علشان حتى لو عايز اقول حاجة مثلا وانا ها امشى ومش ها اقعد على النت دلوقتى وعايز اقولها لفلان ضرورى ومش ها ينفع حد يعرف علشان ما يبقاش المنظر وحش وبتحصل طالما لموقع فيه اهل واصحاب وجيران يعنى من الاخر كدة مش عايزين نحتاج للميل ولا الفيس بوك نكتفلى بذيدونى

موضوع كمان بالنسبة للنوتفيكشنز او الاخطارات
ساعات كتير بيجيلى رسايل هناك وبشوفها وبلاقى انها تعليق على حاجة انا كنت كاتبها سواء مقال ليا او لغيرى وبكون مستعجل جدا ومش بقدر ارد فى نفس الوقت ولما بكون فاضى عايز ارد بقى على الحاجت اللى شوفتها بس بلاقى الاخطارات فاضية ومع كثرة الاعضاء ان شاء الله وكثرة المقالات بيكون من الصعب انك تدور على اللى حصل وبيطلب منك وقت ومجهود , طيب وعلى اية ,
اقتراحى هو ان شاشة الاخطارات لما ادوس عليها يجيلى اخر اسبوع مثلا او بحد اقصى اخر 50 تعليق ودة مش صعب وهايكون معروف وسهل جدا للناس يعنى الاخطار اللى انت شوفته ها يكون شكله رساله ولونه رمادى زى ما هو فعلا دلوقتى ولو حاجة انت لسة ما شوفتهاش ها تكون لونها اصفر اعتقد بجد ان الموضوع دة ها يريح ناس كتير وها يضيف للموقع ويجعلوه اكثر ليونة

i hope we can upload vedios from computer not fron the net and upload songs too