عمل التشيز كيك بطريقة سهلة اوي وسريعـــــــة

كلما بفكر اعمل تشيز كيك وادور على طريقته بلاقيها معقدة جدا

لكن بعد عميييييييييييق التفكير عملتو بطريقة سهلة اوي وسريعة وحلوة جدا



المقادير :

2 باكو بسكويت ماري الحجم الكبير

4 معالق زبدة

بيضة

للحشو :

علبة جبنة كيري اللي فيها 12 قطعة

علبة قشطة
ربع لبن

شوية قليلة سكر

ثلاث معالق مربى او شوكلاتة


الطريقة

نكسر البسكويت ونفتته ونخلط معاه الزبدة والبيضة ونحطهم في الصنية اللي بتتفتح او صنيه رفيعة او قالب بيركس ( وده اللي بعمل فيه علشان شفاف ويبان الطبقات )

وندخلها الفرن عشر دقايق ،

نحضر الحشوة ونخلط كل المكونات الحشو ونضربهم بالمضرب الكهرباء او اليدوي

لحد لما يتقل ، ونطلع الصنية من الفرن ولما تبرد نحط الحشوة عليها ،

ونفرد طبقة المربى او شوكلاتة عليها للى عايز انا عن نفسي مابحبش الجزء بتاعي احط فيه مربى ،

وندخلها التلجة تلت اربع ساعات تمسك نفسها .

الحمد لله عاجبتهم وحبوها احسن كمان من اللي بتتباع برة .