الفرق بين الولد والبنت فى الامتحانات

4
0
الولد قبل الامتحان باسبوع بيكون بيلعب كوره مع صحابه ومقضيها
البنت بتكون قاعده متوتره جدا , وتكون قاعده بتذاكر وهى بتكلم الولد فى التليفون فى نفس الوقت ازاى معرفش وييجى اليوم الموعود...( يوم الامتحان)

وتلاقى حاجات غريبه جدا من البنات

يعنى تلاقيها جايه من بيتهم ماسكه مصحف وفى الايد التانيه المذكره
الولد بقى : بينزل من بيتهم ضارب شعره جيل
وطبعا جهز الورق اللى هيغش منه( البرشام)

وجاءت لحظه الصفر

(وقت دخول الامتحان)

وفى الامتحان تلاقى الولد قاعد بيلف حولين نفسه ومش عارف يعمل ايه
البنت بقى متلاقيش راسها اترفعت من على ورقة الاجابهولا القلم اتشال من ورقة الاجابه

وبعد الامتحان بقى

تلاقى الولد طالع من الامتحان الضحكه من الودن الشمال للودن اليمين
ويكون مكتبش اسمه اصلا على ورقه الاسئله ورغم عن كدا طالع فرحان وهو محلش اى حاجه اصلا

البنت بقى:الاول تلاقى شله بنات طلعه فيهم واحده مغمى عليها تروح تسأل مالها
تلاقى واحده منهم بصتلك والدموع فى عنيها وتقولك
اصلها محلتش رقم(ب) فى السؤال التانى وبعد الامتحان بـ10 دقائق كدا
تلاقى كل البنات متجمعه بتراجع الامتحان وكل الشباب متجمعه بيفكرو بخروجه اخر اليوم ويا ترى هيروحو فين

هنقول ايه بس فى البنات دى غير حسبنا الله ونعم الوكيل

والله انا حاسس ان البنات اللى قاعده بتقرأ الكلام ده قاعدين بيذاكروا برضو
وفى الاخر بعد ما تتخرج وتبقى عاطل رسمى وانت ماشى فى الشارع تلاقى كل المحلات

مطلوب انسه للعمل
وأسفااااااااااااااااه

 

إضافة منذ 14 عام
MaDa
11058
غير محدد
تعديل منذ 14 عام
MaDa
11058

التعليقات

safaa منذ 14 عام
وجهة نظر برضة+1
loleta1 منذ 14 عام
+1هاهاهاهاى أنا شخصيا يافندم مش زى المقاله خالص كنت لوعايزة انام أقفل الكتب وأنام ولومش مكملة المنهج
أدخل لجنة الامتحان كل مالآمتحان يجى صعب أقضيها ضحك وكركرة ويتقالى من صحابى ياسوسة تلاقيكى مقفلة الاجابات وانا فلة (بس بمناسبة رقم ب أنا ليا أخت مشاء الله دكتورة حاليابينا فى السن سنة كنا ندخل الامتحان ونخرج منة هى مموته نفسها من العياط عشان نسيت فقرة من سؤال وانا عماله العب واضحك قابلتها بتقولى عملتى ايه قلتلها ادى ذقنى لو عديت مقبول)
الباشمهندسة منذ 14 عام
ايه مقدار الحقد والغل اللي جواك ده نحو البنات .... لكل مجتهد نصيب 😞
safaa منذ 14 عام
ياباشمهندسة كل واحد حر فى اللى بيقولة ويكتبة يمكن هو شايف كدة من وجة نظرة

الإجابات

يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy