ملحوظة : سيبوية هو مؤسس علم النحو للي مش عارف الموضوع ده مقالة للكاتب الساخر ياسر قطامش قريته من حولي 5 سنين وحافظه مش بنساه يمكن عشان بحب اللغة العربية جدا وعشان اللي وصلتله دلوقتي من اسفاف وضعف وابتذال .. هو عايز يقولنا من خلاله ان اللغة العربية ضاعت وحلت محلها دلوقتي المصطلحات العصرية اللي بجد بتسيئ لينا ولديننا .. الموضوع مضحك اوي وهتضحكوا على الكلام اوي اوي وهتفهموا اكيد المغزى منه .. معلش انا حبيت اوضح بس قبل مااقولوا .. صدعناكوا انا عارف .. ندخل بقى في الموضوع .
سيبويه يشرب النسكافيه ذهبت انا والقلقشندي إلى مقهى يوسف أفندي , فوجدنا اثنين من السفهاء يتحدثان بلغة العامة والدهماء ..
فقال الأول بلسانه الأحول : امبارح مراتي عملتلي بقلاوة وخدتني على هداوة وقالتلي : طنش تعيش وتاكل قراقيش وفضلت تلعبلي في وداني وتقولي قشطة يا ملاواني ونزلت عليا طبطبة قلتلها عايزة ايه يا أم الغبا , قالتلي : بلاش تتهور أحسن تتعور وتبقى مهروش زي مستر بوش ..
فقال التاني : شوروم بوروم يا ملاواني .. انا بقى الواد ابني الأوغلي عاملي زي لاظوغلي , لابس على طول كسكتة وتيشيرت عليه جاكتة , ومسمي نفسه فياسكه وناقص يمشي بدربُكه , وبيكلمني بهرتلة ومفيش عنده مرجلة ..
فقال الملاواني : باين على ابنك بتنجاني , لازم تقرم منه حتة أحسن يفتكرك كفتة , وإن نكشك نكشة اهرشه هرشة , وإن جه يفضفض احلقله ونفض , وبعدين اديلو في البؤ همبورجر وسجق , تلاقيه بقى سلطح ملطح وتنام انت وتتسلطح ..
داحنا ياهوووووه اللي لبسنا البحر مايوه , واتكلمنا على الانترنت وزرعنا البطيخ على الأسفلت ..
فارتعد صديقي سيبويه وهو يشرب النسكافيه .. فأخذته هو والقلقشندي إلى البيت عندي , وقضينا الليل في شطحات لغوية لتفسير هذه المصطلحات العصرية .. فقال سيبويه :
((((((( إن اللغة أصيبت بمرض الإسفاف .. فاطلبوا لها سيارة الإسعاف )))))))