لمحبي الفول السوداني

8
5
الفول السوداني
يحتوي الفول السوداني على كميات كبيرة من فيتاميني ( هـ , أ ) وعلى حمض الفوليك, والكالسيوم, والمنغنيزيوم, والزنك, والحديد, والألياف.
وبالرغم من أن الفول السوداني وزبدته يحملان نسبة عالية من الدهون ويحذر من الإفراط في تناولهما؛ لكن عند اعتماد الفول السوداني جزءاً من حمية غذائية متوازنة قد يساعد في توفير ما يحتاجه الجسم من احتياجات يومية من العناصر المختلفة.وايضا طاقة وتركيز .
وأكد الباحثون أن الرجال والنساء والأطفال, الذين يأكلون جرعة يومية من الفول السوداني ومن زبدته يحصلون على حاجتهم من الفيتامينات والمغذيات, بشكل أفضل من الذين لا يتناولونهما.
وللفول السوداني القدرة على تخفيض نسبة الكولسترول لاحتوائه على نسبة من الدهون الغير مشبعة, التي تساعد في الحد من الكولسترول وذلك لدى الأطفال والرجال فقط , بينما لم تتأثر النساء كثيراً بهذه الخاصية.

طيب ممكن نعمل منه ايه علشان مابيقاش مظلوم:
1-زبدة الفول السوداني وطريقتها:
نجيب الفول السوداني محمص ونشيل القشرة الحمراءونرمي القشر ونخلط الفول في الكبة مع زيت لحد ماتبقى ناعمة . الزبدة هتدخل معانا في وصفات كتيرة اوووكي
الذبدة ممكن تتاكل كدة وممكن يتحط عليها مربى او عسل وبتدي طاقة وتركيز هايلين للاولاد في المدرسة .
2.نجيب الزبدة اللي عملناها ونعمل منها ميلك شيك فول سوداني .
3.ممكن نعمل عصير فول سوداني بالموز وممكن نعملو ميلك شيك فول سوداني بالموز.
4.نعمل بسكوت بزبدة الفول السوداني ونحط كاكاو او من غير.
يارب يكون الموضوع لذيذ ومفيد.

{{uf:116}}

 

إضافة منذ 13 عام
الكاتب الأصلي
تعديل منذ 4 عام
safaa
50518

التعليقات

محمد عبد المنعم منذ 13 عام
أول الأسئلة في الموقع ده كان بتاعي وكان بخصوص الموضوع ده
http://www.zedony.com/index.php/article/view/id/2
Eng Ahmed منذ 13 عام
انا اول مره اسمع عن زبده الفول السودانى ده ومتاكده انها بتتعمل من قشرته؟؟؟
زغباوية منذ 13 عام
موضوع لذيذ ومفيد طبعاً وحطيته في مفضلتي علشان ارجع له وانا بعمل زبدة الفول السوداني وأهي فايدة برضوا مانرميش القشر
بسمة امل منذ 13 عام
معلش انا عملت تعديل للجملة ياريت تقروها انا قصدي الفوووووووووووووووووول مش القشر.
loleta1 منذ 13 عام
ياجماعة انا أعرف كمان ان الفايدة الاكبر فى القشرة الحمراء
محمد عبد المنعم منذ 13 عام
قشر ايه اللي انتو بتتكلمو عليه !!!
أما حاجة عجيبة قوي !!
زغباوية منذ 13 عام
حضرتك القشر اللى مش عاجبك ده فيه فوايد عظيمة زي قشر البرتقال اللى بنرميه بردوا بيحمي من السرطان وبيزود مناعة الجسم
زغباوية منذ 13 عام
كدا يابسمة بقى تعدليها بعد كل الضرب اللى خدناه ده طب ندافع عن ايه دلوقتي
عموما انا بحب اكله بقشره برضوا مش برميه ولا بقشره
محمد عبد المنعم منذ 13 عام
الأحمر وللا الناشف قوي؟
الأحمر أنا باكله عشان بكسل أقشره وبعدين لسة هرمي القشر في طبق ... شغلانة يعني !!
زغباوية منذ 13 عام
ايوة انا كان قصدي على الاحمر اكيد يعني مش هاناكل القشرة الناشفة دي ولو اني اشك انها برضوا مفيدة بس لسة معرفش في ايه ؟ بس مع زيدوني هاندور ونلاقي!!!
بسمة امل منذ 13 عام
انا لما باكلو باكلو بقشرو
لكن كل اللي عندي ابدا مبيرضوش ويقشرو رغم بقلهم على فوائده.
بس اي وصفه حلو لازم يتقشر كويس
وبعيد تاني انه بيتعمل الزبدة وكل الوصفات من الفول
beroo منذ 13 عام
انا اعرف ان زبدة الفول السوداني دي حاجه مشهورة جدا بره في اوربا والناس بتحبها جدا وطول عمري نفسي اعرف هي مصنعه ازاي
بسمة امل منذ 13 عام
كدة ان محرمتكوش من حاجة
لما بيتبقى مني فول سوداني يكونو زهقو منهم ومش هيتاكلو
بعمل الزبدة وتبقى تغير للافطار.
beroo منذ 13 عام
وبس نسيت اسألك الميلك شيك فول سوداني بيتعمل ازاي .... زبدة الفول علي اللبن واضرب والا له طريقه علشان يطلع فوم زي بتاع ماك دونالدز
أم العيال منذ 13 عام
أنا هاسيبكو ربعاية كده عشان هاقوم أإعمل ذبدة الفول السوداني أدعولي انها تطلع كويسة
أم العيال منذ 13 عام
باركوووووووووولي عملتها وطلعت تحفة وزكمان عملتها للعيال في ساندوتش مع العسل الأبضيض وعجبتهم قوييي
شكرا ليكي يا (بسمة أمل)"وشكرا (زيدوني)
الباشمهندسة منذ 13 عام
بالهنا والشفا .... بس اللي ياكل لوحدة يزور 😞
أم العيال منذ 13 عام
بس انتي تعالي بس وشوفي التزغيط اللي هاظغطهولك
beroo منذ 13 عام
كدا عيني عينك ... طيب ياريت تقوللي علي ميلك شيك السوداني
safaa منذ 12 عام
شاطرة ياام العيال
زغباوية منذ 12 عام
اين انت يابيرو وحشتينا
زغباوية منذ 12 عام
وبسمة امل مش بتدخلى ليه لعله خير
أم العيال منذ 12 عام
كده تعلقونا بيكو وتخلعو مننا
عموما يابسمة أمل ويابيروو وحشتونا ومستنيينكو
zedony.com - A mmonem.com production. Privacy Policy