‏أمثالا‏ ‏ثورية‏ ‏شعبية‏ بعد ثورة 25يناير

من‏ ‏قال‏ ‏عنا‏ ‏اننا‏ ‏شعب‏ '‏ابن‏ ‏نكتة‏' ‏لم‏ ‏يخب‏ ‏ظنه‏ ‏فينا‏.. ‏وإن‏ ‏كانت‏ ‏أمثالنا‏ ‏الشعبية‏ ‏فيها‏ ‏من‏ ‏النكات‏ ‏ما‏ ‏يكفينا‏ ‏لتراثنا‏ ‏الشعبي‏ ‏جيلا‏ ‏بعد‏ ‏جيل‏, ‏فإن‏ ‏ثورتنا‏, ‏صنعت‏ ‏لنا‏ ‏أمثالا‏ ‏ثورية‏ ‏شعبية‏, ‏تلاعب‏ ‏فيها‏ ‏الثوار‏ ‏بالأمثلة‏, ‏لتصبح‏ ‏أكثر‏ ‏تماشيا‏ ‏مع‏ ‏موروثنا‏ ‏الجديد‏ ‏بعد‏ ‏الثورة‏..
‏فانطلقت‏ ‏الأمثلة‏ ‏بنسختها‏ ‏الجديدة‏ ‏تنتشر‏ ‏بين‏ ‏شباب‏ ‏ثوار‏ ‏الفيس‏ ‏بوك‏ .. ‏ففي‏ ‏هذا‏ ‏الموقع‏ ‏الشهير‏.. ‏تقطن‏ ‏هناك‏ ‏ثورة‏ ‏من‏ ‏نوع‏ ‏خاص‏!‏

جمع‏ ‏مجموعة‏ ‏من‏ ‏النشطاء‏ ‏علي‏ ‏موقع‏ ‏الفيس‏ ‏بوك‏ ‏مجموعة‏ ‏من‏ ‏التحريفات‏ ‏الفكاهية‏ ‏للأمثال‏ ‏المصرية‏ ‏القديمة‏ ‏لتتلاءم‏ ‏مع‏ ‏أجواء‏ ‏الثورة‏ ‏المصرية‏ , ‏ليتأكد‏ ‏منها‏ ‏انه‏ '‏فعلا‏ ‏الهم‏ ‏اللي‏ ‏بيبكي‏ ‏موجود‏ , ‏واللي‏ ‏بيضحك‏ ‏برضه‏ ‏موجود‏' , ‏وسط‏ ‏همومنا‏ ‏وقلقنا‏ ‏علي‏ ‏المنعطف‏ ‏التاريخي‏ ‏الجديد‏ ‏الذي‏ ‏ساقتنا‏ ‏إليه‏ ‏الثورة‏ ‏دون‏ ‏ادني‏ ‏سابق‏ ‏إنذار‏ .. ‏انطلقت‏ ‏الأمثال‏ ‏هنا‏ ‏وهناك‏ ‏معلنة‏ ‏أننا‏ ‏مازلنا‏ ‏قادرين‏ ‏كشعب‏ ‏مصري‏ ‏علي‏ ‏الإضحاك‏ ‏والسخرية‏ ‏من‏ ‏كل‏ ‏شيء‏.. ‏ودون‏ ‏الإطالة‏ ‏لأن‏ ‏الأمثلة‏ ‏التي‏ ‏قادتني‏ ‏المصادفة‏ '‏الفيسبوكية‏' ‏إليها‏ ‏أهم‏ ‏من‏ ‏أي‏ ‏مقدمات‏, ‏إليكم‏ ‏بعضا‏ ‏منها‏:‏

- ‏يا‏ ‏واخده‏ ‏القرد‏ ‏علي‏ ‏ماله‏.. ‏يروح‏ ‏المال‏ ‏ويفضل‏ ‏القرد‏ ‏علي‏ ‏حاله‏, ‏وبعدين‏ ‏يروح‏ ‏المال‏ ‏و‏ ‏يتسجن‏ ‏القرد‏ ‏و‏ ‏عياله
ــ‏ ‏اللي‏ ‏يخاف‏ ‏من‏ ‏الشعب‏ ‏يطلع‏ ‏له
ــ‏ ‏إن‏ ‏جالك‏ ‏الطوفان‏ .. ‏دخل‏ ‏إبنك‏ ‏اللومان
ــ‏ ‏ان‏ ‏عشقت‏ ‏اعشق‏ ‏قمر‏ ‏وإن‏ ‏سرقت‏ ‏إسرق‏ ‏بلد
ــ‏ ‏امشي‏ ‏سنة‏ ‏ولا‏ ‏تحكم‏ 30 ‏سنة
ــ‏ ‏اللي‏ ‏ايده‏ ‏في‏ ‏شرم‏ ‏غير‏ ‏اللي‏ ‏ايده‏ ‏في‏ ‏طرة
ــ‏ ‏السكوت‏ ‏علامة‏ ‏الثورة
ــ‏ ‏قلت‏ ‏يا‏ ‏ابا‏ ‏علمني‏ ‏التباتة‏ .. ‏قال‏ ‏تعالي‏ ‏في‏ ‏الرياسة‏ ‏واتصدر
ــ‏ ‏اللي‏ ‏حماتها‏ ‏تحبها‏ ..‏النائب‏ ‏العام‏ ‏يطلع‏ ‏لها
ــ‏ ‏جبتك‏ ‏يا‏ ‏زكريا‏ ‏تعيني‏ ‏لقيتك‏ ‏يا‏ ‏زكريا‏ ‏عاوز‏ ‏تتعان
ــ‏ ‏أشوف‏ ‏فيك‏ 15 ‏يوم
ــ‏ ‏الوريث‏ ‏أعمي‏ ‏ولو‏ ‏كان‏ ‏بصير
ــ‏ ‏مفيش‏ ‏رياسة‏ ‏من‏ ‏غير‏ ‏تعاسة
ــ‏ ‏مراية‏ ‏التوريث‏ ‏عامية
ــ‏ ‏المولوتوف‏ ‏صابني‏ ‏ورب‏ ‏العرش‏ ‏نجاني
ــ‏ ‏كله‏ ‏سلف‏ ‏و‏ ‏إخوان
ــ‏ ‏اللي‏ ‏أوله‏ ‏شرم‏ ‏آخره‏ ‏طرة
ــ‏ ‏اللي‏ ‏عنده‏ ‏رئيس‏ ‏محيره‏ ‏يعمل‏ ‏ثورة‏ ‏ويطيره
ــــ‏ ‏ساعة‏ ‏الحظر‏ ‏متتعوضش
ـــ‏ ‏اجري‏ ‏يا‏ ‏ابن‏ ‏آدم‏ ‏جري‏ ‏الوحوش‏ ‏ياتلحق‏ ‏بورتو‏ ‏طرة‏ ‏يامتلحقوش
‏- ‏اللي‏ ‏خدته‏ ‏الأجندة‏, ‏تاخده‏ ‏أم‏ ‏كشكول