دي تجربة كنت بعملها لما كنت في النادي العلمي في المدرسة فكرتها لذيذة وبسيطة يارب تعجبكوا بس محدش يلعب في الكهربا انا قلتلكوا اهو ههههههههههههههههههه
الأدوات : 1- ورق ترشيح
2- محلول ملح طعام ( شوية ملح وندوبهم في مية بس ميبقاش مخفف اوي )
3- محلول فينول فيثالين
( كاشف عن الأوساط الكيميائية .. عديم اللون في الوسط الحمضي والمتعادل .. وأحمر اللون في الوسط القلوي - القاعدي ) 4- لوح معدني موصل للكهرباء
5- مصدر كهربائي
6- ترنس
الطريقة : 1- نوصل القطب الموجب للدائرة باللوح المعدني مع مراعاة ان يمر السلك أولا على الترنس ( يعني السلك يخرج من فيشة الكهربا يروح للترنس ومن الترنس يروح للوح المعدني )
2- نضع ورقة الترشيح على اللوح المعدني ثم نضع عليها محلول ملح الطعام
3- نضع بعض قطرات من محلول الفينول فيثالين على ورقة الترشيح المبللة
4- نوصل طرف القطب السالب بمسمار حديد ( موصل للكهرباء ) .. < محدش يمسك المسمار بإيده عشان ميتكهربش .. نحط المسمار جوة انبوبة قلم جاف قديم كأن المسمار هو سن القلم >
5- بمجرد لمس المسمار لورقة الترشيح الموجودة على اللو المعدني يتم إغلاق الدائرة فتبدأ عملية التحليل الكهربي
6- نحرك القلم ( المسمار ) برفق ونكتب أي جملة
سنلاحظ ظهور الكلام باللون الأحمر لأن محلول ملح الطعام قلوي ( قاعدي ) فتسبب الفينول فيثالين في إظهار اللون الأحمر معلش طولت عليكو بس حبيت اقولها بالتفصيل عشان للي يحب يجربها
ملحوظة .. ممكن نستغني عن الترنس والكهربا ونستخدم بطارية جافة بس مش مفضلة اوي يعني