أربع بنات قتلى في جامعة القاهره

7
أربع بنات قتلى في جامعة القاهره تم التّكتٌم على الخبر من قبل وسائل الإعلام ، لماذا ؟؟؟؟ الله أعلم . ......... كيفية العثور على القتلى؟؟؟ تبدأ أحداث القصة ، في غرفة أحد الطلاب الشباب في سكن الجامعة بالقاهره وكعادته كل مساء يجتمع هو وأصحابه ، لتبدأ السهرة ، ويعني سهرة ما بتختلف عن السهرات الأعتيادية ، المهم وبنص السهرة والشباب بيلعبوا ك...وتشينة ، وده بيدخن ، وده بياكل ، وده بيسمع المسجل ، وده بيحكي مع صديقته عالموبايل ، وحوالي الساعة الثانية ليلاً ، ومن كلمة لكلمة ، بين الشباب اللي بيلعبو كوتشينة ، وده بيقول أنت خسران ، والثاني بيقول لأ أنت خسران ، راح واحد من الشباب ، وأخذ ورق الكوشينة ، ورمى به من شباك المنور ، اتضايق واحد من الشباب واتخانق هو والشاب اللي رمى الورق، ووقعت مشكلة طويلة عريضة ، شعر الحرس الجامعي ، وأمن الجامعة بوجود خناقة وعلى الفور ، طلعو عالغرفة اللي فيها الخناقة ، وطلبو كارنيهتهم ، وقعدو عشان يفهمو القصة وليه في مشكلة ، ومن سياق الحديث واحد من الشباب بيقول للضابط : يا فندم بسيطة ، الخناقة كلها عشان لعب الكوتشينة ، قال الضابط ، فين الكوتشينة دي ، قال الشاب رميتها الضابط قال اما نشوف ..!! بيطلب الضابط من أحد العساكر اللي معه أنه ينزلوا عالمنور ويتأكدو من القصة .. بينزل العساكر عالمنور ، وأول ما بيوصلو عالمنور ، بيقفوا مذهولين من.. هول المشهد .......!! مشهد تقشعر منه الأبدان ..!! جريمة لا تغتفر ...! أربع بنات قتلى...!!! أربع بنات ، يبدو أنهم قتلوا جراء السقوط من مكان عالي أربع بنات ..!! . البنت السبيد وبنت الهارت وبنت التريفل وبنت السمبوكسه ... إنا لله وإنا اليه راجعون

 

إضافة 2011-05-06
MaDa
11058
غير محدد
تعديل 2011-05-06
MaDa
11058

التعليقات

عبد المنعم 2011-05-06
يا محمد سعد يعنى اول طلعة لك تيجى مليانة جثث ؟؟ شوية رحمة
عموما اهلا بيك فى الموقع .. ونرجوك متابعة الموضوع
MaDa 2011-05-06
ههههههههههههههههههه حبيبي يا عمو والله .. انا قلت لازم امسي بس على حضرتك وعلى كل الموجودين .. وبجد الموقع جميل جدا ومفيد أوي بس طبعا انا اليومين دول في المتحانات .. إن شاء الله في الأجازة يبقى في مشاركة ونشاط فعال وكلنا نستفيد وبإذن الله هنشر الموقع عشان الاستفادة تبقى على نطاق اوسع
عبد المنعم 2011-05-06
ربنا يقويك يا محمد .. لوجدع ركز فى الامتحانات الاول .. والمحل اهه مفتوح 24 ساعة !!
MaDa 2011-05-06
هههههههههههههههههه ربنا يقوينا ونخلص بقى على خير
عبد المنعم 2011-05-07
ربنا معاك
الاستاذة 2011-05-07
واكيد الاربع رجالة في العناية المركزة
اما الشياب فابيستغربوا من اللي حصل
لاحول الله
ايه اللي بيحصل في الزمن ده
MaDa 2011-05-07
هههههههههههههههههههههههه صح هو ده اللي حصل بالظبط
أم العيال 2011-05-07
هههههههههههههههه حرام عليك خضيتني+1
زغباوية 2011-05-09
انا كمان اتخضيت وعلشان كدا عملت تصنيف للموضوع
loleta1 2011-05-13
+1 لأ جامده فكرتنى بأيام الأستميشن ربنا معاك
zedony.com - A mmonem.com production. عن زيدوني - Privacy Policy