عايزة طريقة ادق بيها المسامير فى الحيطة والحيطة ما تبوظش

حضرتك ايد الست غير ايد الراجل صح؟..عندك 5 اسباب لمشكلتك..

1- ايدك ضعيفة 2- الجاكوش خفيف 3- مسكة الجاكوش خطأ

4- المسمار مش صلب 5-المسافة اللى بتنزلى منها على المسمار

لومافهمتيش حاجة من دا كله قوليلى تانى وانا اشرحهملك

ممكن تلصقي سوليتيب (شريط لاصق شفاف) على مكان الدق
بهذه الطريقة سوف يبقى المكان حول الثقب متماسكا حتى نهاية الدق
بعدها انزعي اللاصق

ابقي جيبي مهندسين ديكور او عمارة يعملوليك الدهانات وممكن مدني بردو بيفهم احسن من العمال.

سيادتك هترشي بالبخاخة مياة علي الحتة اللي هتخروميها وتسيبيها شوية وهي بدورها هتخلي الدهان يتحول للصورة الطرية شوية وبعد الدق هينشف ويرجع تاني زي مكان .... واكيد اكيد اكيد لازم تنفذي النصايح الغالية اللي قالها عبد المنعم

حضرتك ممكن تعملى الثقب بالشنيور بالمقاس اللى انتى عاوزه على حسب مقاس البنطه اللى مكتوب عليها وفيه انواع من الشنيور للاستخدام المنزلى وبتكون خفيفه وحجمها صغير عشان اى ست تقدر تستخدمها وابقى عرفينى النتيجه

مع ملحوظة استخدامك للشنيور اصبح سؤالك غير محدد هل مشكلتك هي عدم استطاعتك خرم الحائط علي الرغم من استخدامك للشنيور ولا المشكله ان لما بتستخدمي الشاكوش بيقع الدهان
اولا... لو كنت بتستخدمي الشنيور ولم تحصلي علي الخرم المطلوب يبقي بتدقي في مسلح خرسانه وده بيحتاج بونطه معينه وطبعا لابد من استخدام مسامير من نوع ((فيشير)) علشان تثبت لان المسمار ((الشك)) هيقع بعد فترة.
ثانيا...لو كانت مشكلتك مع الدهان اللي بيقع لو في حائط مباني طوب واستخدمتي الشنيور لا يمكن الدهان يقع لان دخول الشنيور بيبقي سريع ما يلحقش يعمل تشقق حوله