كتير من الامهات والاباء بيواجهوا مشكله كبيره مع ولادهم
وهي ازاي اعود ابني او بنتي علي الصلاه بلين وبحب ؟؟
السؤال ده بجد مهم اووي يا شباب :)
حتي لو منكم اللي لسه مش اتجوز او لسه ربنا مرزقهوش بالذريه الصالحه
بس لازم نفكر دايما ازاي نربي ولادنا علي حب الدين وترغيبهم فيه :)
طبعا الموضوع ده كبير اوووي وليه اكتر من جانب لازم ناخد بالنا منه
زي ايه مثلا يا تري ؟؟؟
اول حاجه التعود :)
يعني ابني يطلع متعود يشوف ابوه وامه بيصلوا
وبكده يبقي الطبيعي انو عارف انو لما يكبر لازم هيصلي
تاني حاجه التكرار :)
يعني من وهو صغير اقوله تعالي اقف جنبي ونصلي سوي :)
وطبعا اعلي صوتي وانا بقول كل اركان الصلاه علشان اكون بعلمهاله بطريق غير مباشر :)
وتكرار الموضوع ده هيخليه يتعلم ازاي يصلي من غير ما يحس :)
تالت حاجه احترام الاذان وترديده :)
ماهو لما اعود ابني انو اول ما يسمع الاذان لازم يركز معاه ويردده
بكده هغرس فيه معني اهميه احترام الصلاه بطريق غير مباشر :)
ويا سلام بقي لو اعوده انو اول ما يسمع الاذان يلاقيني سبت اللي في ايدي وقمت البي النداء :)
رابع حاجه الترغيب :)
يعني مثلا في مواقف حياتنا العاديه نحاول نوصله اجر اللي بيحافظ علي صلاته
واد ايه ربنا بيحبه وان شاء الله يدخل الجنه اللي كلها حاجات حلوه بيحبها :)
خامس حاجه بقي الدعاااااء :)
وديه بقي مهمتك انت وبس :)
في كل صلاه وفي كل وقت متقطعش من لسانك الدعاء ده
رب اجعلني مقيم الصلاه ومن ذريتي ربنا وتقبل دعاء :)
لان الدعاء بجد من اهم الحاجات اللي بيها ممكن ننول الرضي والقبول من الرحمن :)
طبعا انا مغطتش الموضوع بصوره كامله بس حاولت نجمع مع بعض اهم الحاجات :)
ويارب اكون قدرت افيدكم :)
ممكن يلا بينا بقي نقوووم نلبي النداء ؟؟؟
طبعا كلكم شاطرين وعارفين ان رب العالمين دلوقتي بينادي علينا المسلمين وبيقولنا
هل من تائب لاتوب عليه؟؟ هل من سائل لاعطيه ؟؟ هل من مستغفر؟؟
يلا يا شباب نلبي النداء ونقول جايلك يارب العالمين :)
ومتنسوووش الدعاي لكل المسلمين والمسلمات الاحياء منهم والاموات بالمغفره والرحمه :)
وكمان اوعوا تنسوا اخوانا واهلنا في فلسطين بالدعاء ..ربنا يثبتهم وينصرهم علي الكافرين
اخواني واخواتي في الله
قيام الليل اكرمكم الله
جزاكم ربي الفردوس الاعلي
بقلمي ومن تصميمي :)
اختكم في الله
قلـ
ـب تائب بواسطة ( الهي انت تعلم كيف حالي )