نفسى حد يعرفنى ايه الضرورة لوجود وزارة التنمية الادارية مع ان فيه عندنا الجهاز المركزى للتنظيم والادارة !!! ..والجهاز المركزى للتعبئة والاحصاء .. !!
ويعنى ايه المجالس القومية المتخصصة ، مع ان عندنا اكاديمية البحث العلمى .. ومراكز ومعاهد البحوث المختلفة التنوع .. ؟
وايه الفرق يعنى بين الرقابة الادارية والنيابة الادارية ؟
وايه حكاية ان كل حاجة عندنا لها مجلس اعلى ؟؟ امال شغل الوزير ايه؟!!
فكروا معايا من فضلكم ، لما كل ده موجود عندنا امال كل حاجة بايظة ليه؟؟
وايه خطور وجود مجلس الشورى فى حياتنا ؟؟
وايه الكوتة دى ؟؟ ما اللى عاوز يترشح يترشح ، وبلاش كسر العين واستصناع الولاء ..
وهو احنا لسه هنعيد من تانى تعريف من هو الفلاح ومن هو العامل !!!
يانهار اسود ومنيل علينا وعلى ترنيخنا ، ولف ودوران بعضنا على بعض !! هو مابقاش حد يحب البلد دى ليه !!! ؟ ولا ما بقاش فيه حد مخلص بجد !!
الا ما فيه حتى حد يقف يخطب فى الناس ويفهمهم ويشرح لهم .. الناس موجودة .. وبشدة .. بس هو للاسف مفيش زعيم الناس تحبه ..
بكل اسف !!!