استفتاء لرواد زيدونى:من يستحق كرسى الرئاسة لمصر

محمد صبحي .... صح ؟

بس هو اللي خرب العراق والتاريخ بيقول كدة وكان موالي للامريكان

ودا هتعمليله اختبار ازاى حضرتك ؟؟ ما الكل كلامه بيكون زى العسل !! وبعدين نضيع خمس سنين فى التجربة معاه ؟ هو احنا ناقصين ضياع تانى!!!

مع عدم اللامؤاخذة حضرتك . السياسة ما ينفعش فيها مجاملة . وحاسب ياجدع على كرامة فلان ، او عيب ياابنى ما تدوسشى على مشاعر علان . ضيعوا البلد ياعم الحج .. رجعنا نلم تبرعات زى ايام مشروع القرش . الحكم فى مصر حاليا محتاج بنى ادم ما يعرفش لا امه ولا ابوه !! ولا اصحابه ولا قرايبه ، ولا اصحاب فضل عليه ولا اللى لهم عنده جمايل . الحكم محتاج واحد مفيش فى قلبه غير مصر .. ناسها وأرضها ..

طيب ماعتدك اهو الناس اللي نفسهم في الرئاسة سمعني كدهياحبيبي اساميهم وعلملي علي اللي المواصفات اللي حضرتك عاوزها وقبل كل ده انت ازيك

الحمد لله انا حلو ... لكن اللى مش حلو اننا دائما بننسى .. لذلك لازم الانسان يتعلم التركيز بانه يتشبث بالمعلومة او يجرى وراها ويجيبها من ديلها وهى بتستخبى فى الماضى ..

انا كنت من اكبر المؤيدين لايمن نور والفرحانين بعمروموسى لكن سلوكهم اظهر تقلبهم فى المواقف ..

وبص حواليك دلوقت حتلاقى عدد المرشحين قرب على 10.. منهم 3 جيش .. وارجو قراءة تعليقى السابق بتمعن علشان خاطر مصر..

طيب معلش عمرو موسى وعرفنا انه كان محايد فى النظام السابق او على الاقل لا يقول لا بقلب جامد طيب ايمن نور عمل ايه انا مش من مؤيدينه ولا هو ولا اى حد مترشح لغاية دلوفتى بس عايزة اعرف علشان افهم

ايمن نور كان نائب برلمانى مجتهد جدا ومستجوب جاد لدورتين .. ونتيجة لدخوله انتخابات ضد مبارك ضيعوا له مستقبله وهدوا له شغله وحزبه وفركشواله اسرته وسجنوه بتلفيقة وعذبوه وعارف ادق تفاصيل الانحراف فى البلد .. وعمل برنامج انتخابى تفصيلى ..

ماشى كل ده عارفينه وعلشان كدا انا ارى انه الاصلح الى الان طيب ليه بقى غيرت رايك عنه

هو وحمدين صباحى وحمدى قنديل ومش فاكر مين تانى ، كلهم كانوا ملمومين حوالين البرادعى .. ايوة افتكرت كان معاهم حسن نافعة ..
وبعدين فجأة بدأوا يخلعوا منه .. لان كل واحد حاطط الرئاسة هدف فى نفسه فلو فضلوا جنب البرادعى مش هيترشحوا .. البرادعى هادى ، مفكر ،منظم،مستقيم،وطنى .وبسيييييط .. ومش هيموت نفسه عليها .. والله اعلم !!

نفسى الناس قبل ما يكتبوا تعليق يقروا الاول كل التعليقات ويهضموها وبعدين يركزوا فى الاستنتاج ..