اقراص بيتي لشد البطن

10
5
يالا بينا نخس مع بعض ونبدأحياة من غير كلاكيع ودهون وأنا جبتلكو الوصفة دي واللي يحب يبدأمعايا يالا بسرعة,,,,,,,,, واللي مايحبش يخس معايا ممكن يخس علي طريقته .....الوصفة تحت يالا بسرعة إقروها

المكونات:
- ملعقتين مرامية جافة مطحونة
- ملعقتين شاي أخضر مطحون
- ملعقتين زعترجاف مطحون
- ملعقتين قرفة مطحونه
- ملعقتين زنجبيل مطحون
- ملعقتين قشر رمان مطحون
- ملعقتين كمون مطحون
- ملعقتين بذر الكتان (الملعقتين اقصد ملعقة كبيرة)

الطريقه:
نأخذ كل المكونات ونقوم بمزجها جيدا ثم ....اذا كان بطنك كثير كبير وحاسة كثيرالشحوم، المقادير تخلط بخل التفاح لان تحصلي على عجينة......اذا كان بطنك متوسط الحجم المقادير تخلط بعصير الليمون لان تحصلي على عجينة ,خذي شيئا من العجين على قدر( حبه البنادول او الريفو )المهم حاولي تشكلي قرص صغير وحطي الاقراص على صينية لان تنتهي من كل العجينةبعد ذلك ادخلي الصينية للفريزر الى ان تتجمد الاقراص، بعد ذلك شيليها من الصينية وحطيها في زجاجه بلاستيك وارجعيها الفريزر.
على الريق تأخذين قرص مع كوب ماء وبعد ساعة ثم تأخذ وجبه الافطار
قبل الغذاء بنص ساعة تاخذين قرص ثم تأخذ وجبه الغذاء
قبل العشاء بنص ساعة تاخذين قرص ويفضل العشاء يكون خفيف ( فاكهه – زبادي )

ملاحظة مهمة:
في هذه الفترة سوف تلاحظين كثرة خروجك للتواليت ، لا تخافين ، هذا شئ عادي بالعكس وقتها تعرفين ان الحبوب ابتدت تعمل المفعول وابتدت تخرج السوائل السامة الزائدة في الجسماكثري من شرب المياه يفضل قبل النوم اعملي شوية حركات تسخينية ستلاحظين النتيجة بعد 15 يوم بالضبط ، تغير ملموس والكرش تبتدي بالذوبان ، الرجاء الاستمرار وعد الملل لمده لاتزيد عن شهر

نصيحه هامه :*
الرياضه مهم جداااا المشي ساعه يوميا من افضل الرياضات للجسم . في حاله عدم استطاعت المشي (الرقص لمده ساعه يوميا ) الساحر الحارق من دون عناء او ضيق .
• عدم شرب ماء بعد الاكل مباشرة فقط ( اذا كانت الوجبات دسمه )
• عدم الضغط علي البطن بارتداء ملابس ضيقه ولذلك لتأثيره السلبي علي عضله البطن ( البنطلونات الضيقه التي تؤدي الي قسم البطن – الكرسيه ممنوع )
• المشروبات الغازيه (البيبسي ومشتقاته)
• العيش الفينو ( لانه صعب جدا في عمليه الهضم ) نستعيض عنه بالعيش البلدي
• الابتعاد عن الضغط العصبي لتأثيره السلبي ع القولون لمرضي القولون ننصح ببالرجوع للطبيب )
• محاول الجلوس بشكل مفرود مع شفط البطن وفرد الظهر مما يساعد علي التخلص من البطن.

منقوول

 

إضافة منذ 11 عام
غير محدد
تعديل منذ 3 عام

التعليقات

زغباوية منذ 11 عام
طيب ينفع نبدأمع بعض
وسؤال ممكن نعملها مشروب بدل الاقراص للتسهيل
عبد المنعم منذ 11 عام
الوصفة هايلة .. لكن اتامرون الناس وتنسون انفسكم؟

ممكن تستغنى عن عمل الاقراص وتحطى الخلطة فى عبوة زجاجية وتاخدى منها ملغقة صغيرة على نصف كوب ماء وتذوبى وتشربى .. صح يا أبله؟
أم العيال منذ 11 عام
أنا اللي خلاني أدور عالمعلومة دي إني فعلا محتاجاها
وبعدين أنا لاقيتها معلومة مفيدة فقلت أفيد
حبايبي معايا........ولا أنا غلطانة؟
وانا هابدأ أجيب متطلباتها وهاعملها إنشاءالله وإديني مهله شهر وهاتشوفو النتيجة
زغباوية منذ 11 عام
طيب اول ماتبدئى قوليلنا علشان ابدأمعاكى ونشجع بعض
tafatifi منذ 11 عام
انا عندى طريقة أسهل
شد(شفط) البطن باستمرار بيساعد على اختفاء الكرش بشكل ملحوظ جدا يعنى وانتى ماشية فى الشارع أو وانتى بتعملى الأكل أو بتغسلى مواعين أو أى نشاط بتقومى بيه على مدار اليوم خليكى دايما شافطة بطنك ودى معلومة أكيدة 100 فى 100 لأنى جربتها
عبد المنعم منذ 11 عام
انا كمان باعمل كده
زغباوية منذ 11 عام
وانا كمان مجرباها وفعلا مفيدة للبطن جدا
أم العيال منذ 11 عام
يا جماعة أنا بدأت أجرب الوصفة دي من يوم24-4
ومع بعض كده لحد ماألاقي نتيجة ,أدعوولي
زغباوية منذ 11 عام
وانا ىمعاكى بس بوصفتى لغاية ماجيب الوصفة دى
زغباوية منذ 11 عام
اليوم 11/8 بدأت الوصفة وربنا يسهل
أم العيال منذ 11 عام
ربنا معاكي وعايزين نشجع بعض لاحسن الواحد كده بيجيلو ساعات بيزهق ويتخنق من الموضوع ده ........ربنا يقوينا ويحققلنا اللي بنتمناه,,,,,,,قولو آمين
زغباوية منذ 11 عام
طب انا كدا بدأت بعدك بحوالى اسبوعين هانعمل مسابقة ونشوف فينا مين خس اكتر واسرع ايه رايك؟
أم العيال منذ 11 عام
يالا بينا......مستعدة؟
زغباوية منذ 11 عام
ايوة ونكتب التاريخ كمان علشان نشوف بعد اد ايه وصلنا لأيه؟12/5
loleta1 منذ 11 عام
لالالالا يافيها لأخفيها أنا هبدأ معاكم بس من بعيد لبعيد وبصراحه انا مش تخينه على قد ماأنا عايزة أضبط قوام
زغباوية منذ 11 عام
واحنا كمان مش تخان اوى يعنى بس عايزين البطن تروح هى فيها يجى 3 4 كيلو زيادة بس وعليهم كمان 5 6 فى الجسم كله يخسوا واحنا نبقى تمام
loleta1 منذ 11 عام
يامسهل بس ماأوعدكوش أجرب الخلطه دى
زغباوية منذ 11 عام
مانا كنت زيك كدا لغاية ماام العيال شجعتنى انا كنت بجرب وصفة سهلة ومش بتاخد وقت وبتجيب مفعول القرفة بالزنجبيل ولو تحبي تتضيفى عليهم كمون ونعناع او شاى اخضر وشريحتين ليمون اهم حاجة القرفة والزنجبيل ولو مش حابة طعمهم سيبيهم يبردوا خالص واشربيهم زى الماية مش هاتحسى بطعمهم
loleta1 منذ 11 عام
صدقينى الفكرة مش فى الطعم ولافى الاقراص الفكرة أن انا بقلل أكلى شوية وبزود النشاط وبستخدم كريمات تظبط السليوليت فى البطن وغيرها وكمان النفس لما بيبقى ليا نفس وسعيدة بخس من غير حاجه والله ولما بأكتئب بتنفخ زى البلونه وشاى الرجيم والشاى الأخضر عندى بالدنيا وبينى وبينك انا صريحه مع نفسى لازم الواحد يعمل تمارين البطن ولو البسيطه منها بس انا سايبها ومنفضه وده غلط
زغباوية منذ 11 عام
انا تقريبا برضوا عاملة كدا ماشية بشاى الرجيم ولو سيبنا نفسنا للكتئاب هانكون افيال لانه مش بيروح

بس قوليلى الكريمات دى بتجيب نتيجة فعلا؟
loleta1 منذ 11 عام
بتحسن الشكل الى حد كبير يازوزو مش بتخسس بس بتشد الجلد وتحسن مظهره وتفرد الكشكشه اللى فيه كنت الاول مابصدقش الكلام ده لكن لو لاحظتى الاجانب تبقى الواحده منهم قد الفيله بس جسمها مشدود مافيهوش ترهلات لأنهم بيستخدموا الكريمات دى وفى كمان أجهزة بس الابسط واللى فى متناولنا هو الكريم
زغباوية منذ 11 عام
شكرا
الباشمهندسة منذ 11 عام
يا ام العيال ممكن تعملي حسابك المرة الجايه علي ضعف الكمية وابقي احاسبك واديلك +1 علي كل قرص:)
زغباوية منذ 11 عام
واتااااااااااري كل ده اوهام
loleta1 منذ 11 عام
هههههههههههههههههه اوهام ولا مقدرتيش تستمرى
زغباوية منذ 11 عام
لا مستمرة بس الفكرة علشان تخسي محتاجة رياضة ثم رياضة ثم رياضة وبعدين الحاجات دي ثانوية وبتساعد بس لما تعملي رياضة الاول
loleta1 منذ 11 عام
1/2ساعة رقص أو مشى سريع وأدعيلى
زغباوية منذ 11 عام
بعمل كدا فعلا وهاروح حالا ابدأ سلام
أم العيال منذ 10 عام
يا أخت زغباوية أنا جربت الأقراص و جايبة نتيجة كويسة بالرغم من إني مش منضبطة فيها وبلاش كلمة أوهام دي لأني واثقة من كلامي
shady منذ 10 عام
+1
hamada منذ 10 عام
مبروك يا ام العيال على الفوز لان الموضوع يتمتع بغزارة التعليقات فعلا ....
أم العيال منذ 10 عام
ميرسي يا عمو
zedony.com - A mmonem.com production. Privacy Policy