ازاى ........ محمد منير

لا لا لا .... اولا الموسيقي هي اللي حلوة وحماسية لكن الكلام هردبيسة يا ابو عيسي زي معظم الاغاني سمك لبن تمرهندى كلمة يمين علي كلمة شمال.

ثانيا الاغنية دي اتعملت من قبل الثورة بشهرين ولكن اتمنع عرضها لان اتقال ان فيها حماسية شديدة وممكن تحث علي الاضراب ولكن تصويرها هو اللي اتعمل بعد الثورة يعني لم تؤلف وتلحن وتغني اثناء او بعد الثورة علشان بس ندي للراجل حقة في النقطة دي.

ثالثا ايه علاقة مبارك بالاغنية يعني عشان هي بتقول .... أنا اقدم شارع فيكي باعتبار مبارك هو اقدم حاجة ولا ايه؟.

ودي الكلمات هدية مني ليكي...

أزاى ترضيلى حبيبتى
أتمعشق إسمك و انتى
عماله تزيدى فى حيرتى وما انتيش حاسه بطيبتى إزاى ؟

مش لاقى فى عشقك دافع
ولا صدقي فى حبك شافع
إزاى أنا رافع راسك و انتى بتحنى فى راسى إزاى ؟

أنا أقدم شارع فيكى
و آمالك من اللى باليكى
أنا طفل اتعلق بيكى فى نص السكه و توهتيه

أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه

ازاى سيبانى فى ضعفى
طب ليه مش واقفة في صفى
وأنا عشت حياتى بحالها علشان ملمحش فى عينك خوف

وفى بحرك ولا فى برك
ازاى أحميلك ضهرك
وأنا ضهرى فى آخر الليل دايما بيبات محنى ومكشوف

أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه

أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه

و ازاى ترضيلى حبيبتى

انا بس عايز اعرف ايه فكرة تكرار المقال مرتين هى موضة ولا ايه ...؟

ده اكيد خطأ فني غير مقصود عشان tafatifi بقالها كتير مادخلتش ويمكن مش واخده بالها