فكروا فيها

أو لماذا لا نفكر فى اعتبار الفائز التالى فى الاستفتاء نائبا لرئيس الجمهورية!!!

طبعا فكرة حلوة بدل ما الرئيس هو اللى ينصبه يكون هو الفائز التالى علشان يكون 2 متنافسين واحد يصد واحد ان اخطأ

ما كفاية كده النهارده ياعم عبد المنعم ده لو يحصل نبقي احنا طلعنا بعد القمر بشويه

ملحق من غير سفينة فضاء

ملحق من غير سفينة فضاء

انت فين ياعم البجست ؟ وحشنا كلامك !! الحمد لله على السلامة

وانا مع عبد المنعم فينك ياعم البجست هنعملك غرامة بعد كدا لو اتأخرت علينا تانى

الجدع فيكو يقول لي دلوقت من غير مايدور علي ورقة او جرنال ماهي هذه المواد المراد تعديلها وما هي النصوص بعد التعديل

على مااذكر 76 و77 و88 و189 وفيه 2 كمان مش فاكرة رقمهم
اما النصوص فطويلة حبتين

طيب حاتروحي اللجنة ازاي حتقعدي تقري ستة او سبعة نصوص قديمة ثم تقري ستة او سبعة نصوص جديدة وبعدين تقعدي تقارني وتفضلي بين القديم والجديد وبعدين تبتدي تعلمي كل ده حياخد منك وقت اد ايه ولما كل واحد ياخد الوقت ده يبقي حنخلص الاستفتاء امتي اوعي تقولي ياسيدي يخلص وقت مايخلص

لا الاستفتاء هايكون عام على كل المواد يعنى تقول اه على مبدأ التغير نفيه او نعم وليست مادة مادة والمفروض دلوقتى كلنا نقراهم وده اللى بعمله وبحاول كمان افهم اليومين دول كل اراء المتخصصين واعتقد انى قربت اكون رأى اوشبه استقريت
وده الرابط بتاع موقع الاستفتاء فيه كل مايخص الاستفتاء والمواد اللى تم تعديلها وفيه كمان مواقع اللجان على جوجل ايرث
http://www.estefta2.eg/

ياعم بيجيست دى مواد دستور مبارك (اللى ماكانش مبارك)، لو وافقت عليها يعنى انك رجعت دستور الثورة حصلت علشان تسقطه .. صح ؟ .. عاوز تبنى عمارة تشيل 50 دور فيجب ان تدق لها خوازيق فى الأرض ، صح؟ الخوازيق هنا بمعنى مواد دستور واضحة ، قاطعة ، لا لبس فيها ، ولا تحتمل اى تأويل، وتكلبش اى واحد من الطقم الحاكم من انه بلعب بديله او بصوابعه !!! فى الوطن كله بأرضه وناسه..بيتهيألى كده المسألة وضحت لكل اللى هيقرأ الكلام ده ..

وضحت يافندم ان شاء الله نقول لأ