الصداقة

فى مجموعة قواعد للموضوع ده:
لازم تنزلى بعقلك لمخهم وتتابعى أهتمامتهم مهما كانت عبيطه من وجهة نظرك وتشاركيهم فيها وأوعى تتفهيها لأنها بالنسبه لهم مهمه.
عوديهم على الصراحه بلاحدود حتى لو أخطئوا يتكلموا ويقولوا ولاتصرخى فى وجوههم لو أخطئواحاولى تحتوى الموقف وتوجهيهم لأنهم مايكررهوش بأنفسهم .
أوعى تنتقديه قصاد أى حد مهما كان قريب عشان ده بيكسره.
حبيبيهم فيكى لدرجة أنك ماتحتاجيش العقاب بس تقولى للواحد أنك زعلانه منه يعمل اللى مايعمل عشان يرضيكى.
تابعى أصدقائهم ونمى مواهبهم بحيث فى وقت الفراغ يمارسوها يعنى لو طفلك بيحب العزف على الجيتار أيه المانع لو نجيبهاله ويتعلم عزفها فى أوقات فراغه أو بيحب رياضه معينه بكده تملى وقت الفراغ بحاجه مسليه ومفيده .
ماتخنقيهوش وتقوليله ذاكر على طول علميه يقسم وقته فى اليوم بين التسليه والمذاكرة وبينكم النتيجه عشان يبقالوا شخصيه ويحس أنه صاحب أمره ويتحمل نتائج قراراته فتنمى شخصيته على تحمل المسؤليه من صغره وماتبقيش عماله تجرى وراه وشايله همه.