راحة البال

تتوكلى على الله وتؤمنى أن كل شيئ فى الدنيا زائل ولايبقى إلاوجه الله سبحانه وتعالى وأنك من الدنيا وماعليها مش هتأخذى معاكى غير عملك فلو خسرتى (فلوس-منصب-زوج-أولاد)متزعليش .
وأنك تستغفرى ربك وتدعيله باللى فقلبك حتى لوكنتى عاصيهلأن ربنا وسعت رحمته كل شيئ وتحاولى كل يوم تنامى وأنتى صافيه لاتضمرى كره لحد ولاحد ليه عندك حاجه وراضيه بما قسمه الله لكى وراجيه أن تموتى وربنا راضى عنك والله هتلاقى راحه للبال والقلب مابعدها راحه

بجانب اجابة لوليتاهاضيف
لو كل واحد حس وتيقن انه عبد ومخلوق لله وان الله يدبــــــــــــــر امرك وان هناك دائما حكمة فى كل مايحدث لنا سواء علمنا هذه الحكمة ام لا وان امورنا التى يدبرها لنا الله خير فى جميع الأحوال مش هانزعل من حاجة

نتيقن ان من يتقى الله يجعل له مخرجا ويرزقه من حيث لا يحتسب ويجعل له من امره يسرا ويجعل له من كل هم فرجا بس نتقى الله حق تقاته مش بالكلام وبس

لو عملنا بأية "وماخلقت الإنس والجن الا ليعبدون" ونترك لله تدابير امورنا والتصرف فيها فعلا يعنى نؤمن بالله ونتوكل عليه حق توكله وندعى مع اليقين ان ربنا هايحللنا مشكلتنا وامورنا كلها


هاتقولولي كلام نظرى وصعب وفين الخوف والقلق و..و....اكيد طبعا موجود احنا بشر بس لوعملتوا وحسيتوا كل اللى كتبتهولكوا هايتولد عندكم احساس بالإطمئنان والأمان الداخلى يوازى بل سيزيد عن الخوف والقلق

طب حد منكم جرب القيام للصلاة فى جوف الليل ؟؟!!! يا الله .. طب جربوا كده باخلاص .. جربوا بس وبلاش مقاوحة .. بس باخلاص . وقولولى على النتيجة لو سمحتم ..

جميل السؤال ده . لان كل واحد فينا احيانا بيمر بحالات من الضيق وساعات توصل لحد الاكتئاب وممكن يكون السبب بسيط بس ساعات بنكبر من غير سبب .
وفى الحالة دى :
كررى ( لا حول ولا قوة الا بالله) فأنها تهدأ البال وتصلح الحال وتحمل بها الاثقال وترضى بها الله سبحانة وتعالى.
كونى واسعة الافق والتمسى الاعذار لمن أساء اليكى.
لا تجالسى الثقلاء والحسدة.
اذا وقعتى فى أذمة لا قدر الله فتذكرى كم من اذمة مرت بكى ونجاجكى الله منها واعلمى ان من عافاكى من الاولى سيعفيكى من الاخرى ان شاء الله.
وربنا يهنىء بالك ويصلح حالك أمين.. أمين.. أمين