النيسكافيه اللذيذة المهلكة !!

0
0


‎محمد فوده‎ to تحيا مصر
30 mins ·
بصوا انا عاوزة احكي تجربتي اللي انا لسه عايشه فيها
انا عمري دلوقت ٣٢ وبدأت اشرب نسكافيه تقريبا من عمر ١٨ سنه وكابتشينو بقي وكل الانواع اللي داخل فيها الكافيين والمبيضات ومكسبات الطعم وطبعا مش هقدر اقولكم اني بقيت شبه مدمناهم غير طبعا البيبسي ممكن اشرب طول اليوم فيه عاوزة اقولكم أن كل ده اترسب علي عضمي والاوتار لدرجه ان اوتار جسمي بتتقطع بسهوله وحصلي قطع ف وتر كتفي ودلوقتي كمان جالي انزلاق غضروفي وطبعا رعشه الدراعات وصوابعي الايد ناهيكم بقي عن وجع الركب والضهر لان الكالسيوم خرج كله من جسمي حتي مفيش نفس الحركه وصداع والم في اماكن كتير ف جسمي واقسم بالله أن الآلام اللي فجسمي مايتحملهاش مخلوووووووق ومكانش في حل غير اني عشان اسكن الالم اني اخد كورتيزون وبرضه مكانش بيسكن ولما سالت الدكتور عن مسكنات اكتر من كده قالي الكلي هتقف انا بديكي اقوي مسكنات الانزلاق ف اربع فقرات عنقيه مع بعض وزاد وزني الضعفين واي مسكن تاني مكانش بينفع لدرجه اني بنام قاعده من شده الالم وبصحي علي صويت وممكن بيغمي عليا من الالم لدرجه اني كنت بلطم علي وشي واترزع ف الارض لاني مش متحملاه ومفيش اي مسكن ولا حقن جايبه معايا نتيجه
نصيحه لوجه الله اي حد بيشرب نسكافيه انت بتدمر نفسك بالبطيء وده هيظهر اثاره في وقت معين فا ياريت تخلوا بالكوا اللي بياخد نسكافيه ف نظام الدايت بتاعه أو عشان تصحصحوا وتفوقوا عشان الشغل او لاي سبب إن كان لان للاسف النسكافيه اللي ف مصر سوري ده زباله النسكافيه ياريت تستبدلوه باي حاجه صحيه وامنعوه نسكافيه ٣١ او ٢١ او كوفي ميكس وعلي كافيه وكل الكلام ده واي حاجه داخل فيها مبيضات ومكسبات طعم حتي البيبسي بكل انواع حتي الحاجات اللي بتفور والشيكولاته الكتير لأنها بتساهم في ده
انا كلامي ده بعد مالفيت علي كل دكاتره العظام ودكاتره الفقرات ووصلت لأكبر استشاري عظام وفقرات ف مصر قالي نفس الكلام .. انا متمناش لاي حد فيكم يحس بالوجع اللي فجسمي وانكم تبقوا عايشين علي كورتيزون عشان بس الالم يخف شويه عشان اقدر انام انا لسه ف دوامه العلاج وقدامي لسه شهور
ادعولي اخف أن شاء الله الصحه اغلي حاجه ف الدنيا اغلي من اي حد ونعمه كبيره من ربنا انا مكنتش عارفه قيمتها دلوقت بتمني بس اعيش طبيعي
معلش طولت عليكم بس يمكن كلامي ينقذ ناس كتير
الوقايه خير من العلاج وربنا يرزقكم الصحه والعافيه ويشفي كل عيان ومريض يارب
وربنا يعافيكم جميعا
منقول

 

إضافة منذ 1 عام
منقول

المصدر

محمد فودة فيسبوك

التعليقات

محمد عبد المنعم منذ 1 عام
الكلام فيه روح لكن للأسف غير مقنع بالمرة. تحيدس إنه مدخل كل حاجة على بعض بدون تركيز.

يعني السؤال المهم مفيش له إجابة .... هو القهوة النسكافيه الأصلية اللي لا فيها مبيض ولا مكسب طعم وريحة حلوة وأمورة ولا لأ؟
zedony.com - A mmonem.com production. Privacy Policy