ﻣﺎﺗﺮﺟﻌﻮﺵ ﺗﺰﻋﻠﻮﺍ ..

2
1
ﻣﺎﺗﺮﺟﻌﻮﺵ ﺗﺰﻋﻠﻮﺍ .. - ﻟﻤﺎ ﻋﻴﺎﻟﻜﻢ ﻳﻘﻔﻠﻮﺍ ﻋﻠﻲ ﻧﻔﺴﻬﻢ ﺍﻻﻭﺿﻪ ﺑﺎﻟﺴﺎﻋﺎﺕ ﻭﻣﻴﺤﺒﻮﺵ ﺍﻟﻘﻌﺪﻩ ﻣﻌﺎﻛﻢ ﺑﺴﺒﺐ ﺍﻻﻧﺘﻘﺎﺩ ﻭﺍﻟﻜﻼﻡ ﺍﻟﻠﻲ ﺯﻱ ﺍﻟﺴﻢ ﺍﻟﻠﻲ ﺑﺘﻮﺟﻬﻮﻩ ﻟﻴﻬﻢ ..

- ﻟﻤﺎ ﻳﻜﺒﺮﻭﺍ ﻭ ﻳﻜﺮﻫﻮﺍ ﻛﻠﻤﺔ " ﺇﻥ ﺷﺎﺀ ﺍﻟﻠﻪ .. "ﻷﻥ ﻛُﻞ ﻭﻋﺪ ﺗﻮﻋﺪﻭﻩ ﺗﻘﻮﻟﻮﺍ ﺇﻥ ﺷﺎﺀ ﺍﻟﻠﻪ ﻭﻣﺎﻳﺤﺼﻠﺶ !

- ﻟﻤﺎ ﺷﺨﺼﻴﺎﺗﻬﻢ ﺗﺒﻘﻲ ﺿﻌﻴﻔﻪ ﻭﻣﺎ ﻳﺒﻘﺎﺵﻋﻨﺪﻫﻢ ﺛﻘﻪ ﻓﻲ ﻧﻔﺴﻬﻢ ﻻﻧﻜﻢ ﻣﺎ ﺑﺘﺪﻳﻬﻮﻣﺶ ﻓﺮﺻﻪ ﻳﻌﺒﺮﻭﺍ ﻋﻦ ﺍﻟﻠﻲ ﺟﻮﺍﻫﻢ ﻭﺩﺍﻳﻤًﺎ ﺗﺴﺘﻐﺒﻮﻫﻢ

- ﻟﻤﺎ ﻳﻜﺮﻫﻮﺍ ﺍﻟﺼﻼﻩ ﻭ ﺍﻟﻤﺬﺍﻛﺮﻩ ! ﻷﻥ ﻣﻦ ﺃﻗﻞ ﻏﻠﻄﻪ ﻳﻐﻠﻄﻮﻫﺎ ﺗﺴﺄﻟﻮﻫﻢ ﺻﻠﻴﺖ ﺇﻳﻪ ﺍﻟﻨﻬﺎﺭﺩﻩ ؟! ﺫﺍﻛﺮﺕ ﻭﻻ ﻻﺀ ؟ ﻛﺄﻥ ﺍﻟﺼﻼﻩ ﻭﺍﻟﻤﺬﺍﻛﺮﻩ ﻋﻘﺎﺏ .

- ﻟﻤﺎ ﺍﻭﻻﺩﻛﻢ ﻳﺪﻭﺭﻭﺍ ﻋﻠﻲ ﺍﻟﺤﻨﺎﻥ ﺑﺮﻩ ﺍﻟﺒﻴﺖ ﻻﻧﻬﻢ ﻣﺎﻟﻘﻬﻮﺵ ﻓﻲ ﺣﻀﻨﻜﻢ .

- ﻟﻤﺎ ﻳﻜﺮﻫﻮﺍ ﺍﻟﺠﻮﺍﺯ ﺑﺴﺒﺐ ﺍﻟﻤﺸﺎﻛﻞ ﺍﻟﻠﻲ ﻣﺒﺘﺨﻠﺼﺶ ﻭﺑﺘﻮﻟﻊ ﻋﻠﻲ ﺍﺗﻔﻪ ﺍﻻﺳﺒﺎﺏ .

- ﻟﻤﺎ ﻳﻜﺮﻫﻮﺍ ﺍﻟﻨﻘﺎﺵ ﻣﻌﺎﻛﻢ ﻻﻧﻜﻢ ﺑﺘﻘﻠﻠﻮﺍ ﻣﻦ ﺍﺭﺍﺀﻫﻢ ﺳﻮﺍﺀ ﻓﻲ ﺍﻟﺴﻴﺎﺳﻪ ﺍﻭ ﺍﻟﺤﻴﺎﻩ ﻋﺎﻣﺔً .

- ﻟﻤﺎ ﻛﻞ ﻳﻮﻡ ﻗﺒﻞ ﻧﻮﻣﻬﻢ ﻳﻌﺎﺗﺒﻮﻛﻢ ﻭﻫﻤﺎ ﻓﻲ ﺍﻭﺿﻬﻢ ﻓﻲ ﺳﺮﻫﻢ ﻭ ﻗﺪ ﺇﻳﻪ ﻓﻲ ﻓﺠﻮﻩ ﺑﻴﻨﻜﻢ ﺑﺴﺒﺐ ﻗﻠﺔ ﺍﻟﺘﻔﺎﻫُﻢ ﻭﺍﻻﺣﺘﻮﺍﺀ .

- ﻟﻤﺎ ﻳﻔﺸﻠﻮﺍ ﻓﻲ ﺍﻟﻜﻠﻴﻪ ﺍﻟﻠﻲ ﺍﺧﺘﺮﺗﻮﻫﺎﻟﻬﻢ ﺑﺴﺒﺐ ﺗﺪﺧﻠﻜﻢ ﻓﻲ ﻣﺴﺘﻘﺒﻠﻬﻢ ﻭ ﻣﻨﻌﻬﻢ ﻋﻦ ﺣﻠﻤﻬﻢ ﺍﻟﻤﺆﻣﻨﻴﻦ ﺑﻴﻬﻢ !!

- ﻟﻤﺎ ﻳﻜﺮﻫﻮﺍ ﺍﻟﺴﻔﺮ ﻣﻌﺎﻛﻢ ﻓﻲ ﻣﺼﻴﻒ ﻣﺜﻼً ..ﻷﻧﻜﻢ ﺑﺘﺘﻌﺼﺒﻮ ﻋﻠﻴﻬﻢ ﻭﻣﻤﻜﻦ ﺗﻘﻠﺒﻮﺍ ﺍﻟﻔُﺴﺤﻪ ﻏَﻢ !

- ﻟﻤﺎ ﻳﺤﺒﻮﺍ ﺍﻛﻞ ﺍﻟﻤﻄﺎﻋﻢ ﻷﻧﻜﻢ ﺑﺘﺮﻓﻀﻮﺍ ﺗﻌﻤﻠﻮﺍ ﻃﺮﻕ ﺟﺪﻳﺪﻩ ﻓﻲ ﻧﻔﺲ ﺍﻻﺻﻨﺎﻑ ﺍﻟﻤﻮﺟﻮﺩﻩ ﻣﻦ ﺍﻛﻞ ﺍﻟﺒﻴﺖ ! - ﻟﻤﺎ ﻋﻴﺎﻟﻜﻢ ﻳﻜﺮﻫﻮﺍ ﺑﻌﺾ ﻷﻧﻜﻢ ﺑﺘﻔﺮﻗﻮﺍ ﻓﻲ ﺍﻟﻤﻌﺎﻣﻠﻪ ﺑﻴﻨﻬﻢ ﻭ ﺗﻤﻴﺰﻭﺍ ﺣﺪ ﻋﻦ ﺍﻟﺘﺎﻧﻲ .. ﻭﺗﺘﺤﺎﺳﺒﻮﺍ ﻳﻮﻡ ﺍﻟﻘﻴﺎﻣﻪ ﺑﺠﺮﻳﻤﺔ ﺍﻟﻈُﻠﻢ !! .

- ﻣﺘﺰﻋﻠﻮﺵ ﻟﻤﺎ ﺗﻼﻗﻮﺍ ﺍﺑﻨﻜﻢ ﺃﻭ ﺑﻨﺘﻜﻢ ﻛﺎﺗﺒﻴﻦ ﻋﻠﻲ ﺍﻟﻔﻴﺲ " ﻛﻞ ﻟﻤﺎ ﺃﺗﻤﻨﺎﻩ ﺣُﻀﻦ ﻳﺤﺘﻮﻳﻨﻲ " ﻷﻧﻜﻢ ﻣﺠﺮﺑﺘﻮﺵ ﺗﺤﻀﻨﻮﻫﻢ ﺣﺘﻲ ﻭﻟﻮ ﺑﻜﻠﻤﻪ ﺣﻠﻮﻩ

- ﻟﻤﺎ ﻳﻄﻠﻌﻮﺍ ﻣﻜﻠﻜﻌﻴﻦ ﻣﻦ ﺟﻮﺍ ﻭﺗﻔﻜﺮهﻢ ﻣﺤﺪﻭﺩ ﺑﺴﺒﺐ ﻛﻠﻤﺔ " ﺍﻧﺎ ﻭﺍﻧﺎ ﻗﺪﻙ ﻛﻨﺖ ﺑﺠﻴﺐ ﻟﺒﺲ ﻛﺬﺍ .. ﺑﺼﺮﻑ ﻛﺬﺍ ! " .. ﺭﻏﻢ ﺍﻥ ﺳﻴﺪﻧﺎ ﻋﻠﻲ ﻗﺎﻝ : ﻻ ﺗﺮﺑﻮﺍ ﺃﻭﻻﺩﻛﻢ ﻋﻠﻲ ﺃﺧﻼﻕ ﺯﻣﻨﻜﻢ ﻓﺎﻥ ﻟﻬﻢ ﺯﻣﻨًﺎ ﻏﻴﺮ ﺯﻣﻨﻜﻢ !!

- ﻣﺘﺰﻋﻠﻮﺵ ﻗﻮﻱ ﻟﻤﺎ ﺑﻨﺘﻚ ﺗﺒﻘﻲ ﺗﻌﻴﺴﻪ ﻑ ﺣﻴﺎﺗﻬﺎ ﺍﻟﺰﻭﺟﻴﻪ ﺑﺴﺒﺐ ﻋﺮﻳﺲ ﻓﺮﺿﺘﻮﻩ ﻋﻠﻴﻬﺎ ﻣﻊ ﺍﻥ ﺣﻘﻬﺎ ﺍﻟﺸﺮﻋﻲ ﺗﺘﺠﻮﺯ ﺍﻟﻠﻲ ﻳﻌﺠﺒﻬﺎ ﺣﺘﻲ ﻭﻟﻮ سنين طويلة .

 

التعليقات

لا يوجد
zedony.com - A mmonem.com production. Privacy Policy