كووولنا بلوظة !!!

وأى بلووظه ياأفندم واضح أن أحنا أخدنا على الخرس السياسى وسياسة تطبيق خليك فى حالك جنب الحيط وكمان لاأرى لأأسمع لاأتكلم .
أو أن الناس من كتر ماقاطعت الأنتخابات نسيت
عارف لوالأولاد اللى ماتوا فى التحرير صحيوا وشافوا كده هيموتوا تانى بس بغيظهم.
أنا بضم صوتى لصوتك أتكلموا عهد السكوت خلاص ولا ورحل
مابقاش فى أى حجج لأظهار الأراء

فعلا خاجة تشد ... تنظيف - مقبلات وشوربة - معجنات ... هايل جدا
أنا محتاج حد يشجعني - بشكل عملي طبعا - عشان عندي فكرة كمبيوترية تنفع تتعمل برنامج أو موقع هيكسر الدنيا مش بس مصر.
الفكرة دي unique وبتاعتي 100% وهتعمل طفرة في الأنظمة السياسية العالمية ... أو على الأقل هتساعد

يلا أيدينا على برنامجك توكل على الله وربنا معاك

ياللا ... آدي صوت
فين الباقي؟

أوعدك ها أقرا وارد عليك
علي فكرة حلوة قوي التصنيفات دي يا عبودة

ايوه ياسى عبده ..طلع كل اللى جواك ..داأنت بقالك أكثر من 30 سنة وانت بتشتكى من الحكومة واللى بيحصل فيها لحد ماخلاص كنت هفقد الامل الحمد لله ..

ربنا معاك يا Monem ويوفقك ويهديك لخدمة المجتمع والناس والاسلام

علي فكرة يا عبد المنعم بقترح عليك تغير تصنيف معجنات الي تصنيف ديكور عشان يبقي ملائم اكتر للموضوع .... والاختيار ليك طبعا

حضرتك انا من ساعة الثورة ماحصلت والنت رجع كل مواضيعى عن اللى بيحصل والمفروض نعمله واراء وماشابه وحضرتك ما دخلتش اى موضع فيهم وكنت مستنية تدعيمك (وممكن نخلى شعارنا دعمنى وادعمك)
وياريت تكتب لنا اسم الموضوع ايه بدل مانراجع كل مواضيع للتسهيل على الاعضاء

وبالنسبة للعضو Monem انا هاشجعك ابدأ واحنا معاك بس ابدأ وبالش كسل
<الصحافة فين واحد بيفكر اهو>
<الصحافة فين واحد بيفكر اهو>
حلو التشجيع ده
ومدام هاتعمل طفرة سياسية عالمية ساكت ليه ولا مستنى لما حد ياخد فكرة ويا يشتروك يايخطفوك

هو ياختى من ساعة الثورة وهو فاضى لنا العضو عبد المنعم ،دا كل وقته بيضيع امام التلفزيون وسماع الاخبار محلية وفضائية مش مخلى حاجة، حتى الاخبار على النت، وسايب مصالحو كلها حتى ملكات النحل مش فاضى يروح لها

انتي بالذات تسكتي يا زغباوية ... أضمن منين ان مصير الموقع الجديد مش هيبقى زي مصير زيدوني.كوم كده؟ أقعد أشتغل شهر وكل اللي بيخش على الموقع مايكملوش 100 يوميا ... ما كنت عملت كوبي لبرنامج مواقع في ساعتين وخلاص بقى ... بلا بتاع بقى !!!

والله عندك حق

معلش انت عايز الموقع يتشهر كدا فى 3 شهور دى منتديات معروفة جدا دون ذكر اسماء ماتشهرتش غير بعد سنتين وبعدين الموقع يحتاج شغل جامد علشان يشد الناس
وبعدين برضوا محتاجين دعاية جامدة من ادارة الموقع لحسن هانقوم بانقلاب عليها وانت عارف اسهل حاجة اليومين دول الانقلاب
ممكن حضرتك تعمل اجتماع طارئ او حفلة افتتاح لأعضاء الموقع فى مكان عام (وده انا طالبت به كتي لكن سيادتك مشغول) واللى مش هاييجى نخصم منه 100 نقطة

وبعدين ليه عدم الثقة دى حضرتك اجتهد وتوكل على الله ولكل مجتهد نصيب
وكمان شهر شغل على موقع مش كتيير عارفين انك تعبت جدا جدا وكل الفنيين اللى اشتغلو معاك والمواقع محتاجة شغل باستمرار وتطوير دائم مانتوش اد المواقع بتعملوها ليه
وبعدين لو الهدف واضح امامك ابدأ وتوكل على الله وماتهتمش بالنتيجة السريعة
واصلا حضرتك فى الفترة الاخيرة كنت مقل جدا فى كتاباتك للموقع وممكن نطالب بخصم رصيد نقطك لو استمريت
وانا وراك لحد ماتعمل الموقع الجديد ونبقى ضمنا دخول اعضاء موقعنا زيدونى للموقع الجديد واللى مش هايدخلو هانعاقبه بخصم نقط ايه رايك

أفضل خصم فلوس مش نقط ... النقطة تساوي مثلا جنيه
وممكن نبيع النقط للي عايزين ... الخير كثير والنقط كثير ... كمان ممكن يبقى فيه خصومات ... يعني مثلا ممكن تتفع عشر آلاف جنيه وتاخد عشرين ألف نقطة ... كده
ياللا هنبتدي بيكي عايزة بكام؟

هو الموقع ده فيه صناديق خاصة ولا ايه؟
وبعدين مش عايزة نقط ياعم انا عايزة تفاعل

إن الله مع الصابرين يا monemوعلي فكرة زيدوني ده أحسن موقع دخلته وبدون مبالغة ومختلف عن أي حاجة تانية ولو سمحت ماتغلطش فيه وتتكلم عنه بطريقة أحسن من كده ...إنت صحيح الريس بس معلش يعني إحنا برضه لينا بصمه

انتم فعلا اكدتم بأنفسكم أن كلنا بلوظة بالفعل مش بس بالكلام .. راجعوا كده اللى كتبتوه كلكم .. خرجتم من الموضوع الأصلى .. هاهاهاهاهاهاهاها ى صباح المهلبية !!!

معلش لو تدخلت ياأخ منعم بس فعلا موقعك مميز وبسييط وده اللى شدنى ليه من أول مادعيت لزيارته وبعدين كل واحد بيأخد رزقه وأعمل اللى عليك وكمان عندك حق ينقص الموقع التفاعل لازم اللى يدخل يكون مهتم بالتفاعل .ويازغباويه الرحمه حلوة هو ده موسم الأوكازيون ولا أيه خصم خصم خصم ده كده أسلوب تطفيش مش ترغيب أعكسيها يعنى لو تفاعلت ليك نقاط لو حضرت الندوات ليك نقاط كده لو حد دخل الموقع وأتعلق بيه هيحاول يعلى ويحصد أكبر عدد من (البونس)أو المكافئات النقطيه

على فكرة ... أنا كنت بهرج طبعا ... الموقع ده هدفه نشر المعرفة بشكل سهل لكل الناس ... المشكلة اني ما بقتش قادر أوفر له وقت لتنفيذ كل المطالب والأفكار بتاعتي وبتاعت كل الأعضاء.
لكن ان شاء الله هتتدبر قريب

أولا ياريس ربنا معاك ويقدرك وعلي فكرة أصبر حبة و
هاتلاقي زيدوني في العلالي
أما الباشا عبد المنعم أنا حاسة من بدري إن الكل بيتكلم في حاجة غير اللي حضرتك تقصدها وكنت باقول يمكن أنا اللي مافهمتش كلامك كويس (الظاهر إن ده طبع بقي ...نعمل إيه؟!!

loleta1 عندك حق ونخليها ترغيب مش تطفيش

عبد المنعم خليها صباح البالوظة اوقع لتتماشى مع اسم الموضوع اللى خرجنا عنه بس كله للموقع

Monem شوفت بقى لاقيت ناس كتيرة تدافع عن الموقع ازاى مابقاش بتاعك لوحدك ياريس ومقدرين انك مش فاضى بس برضوا وراك لحد ماعرف الموقع التانى واخليك تعملوه وانت عارفنى لما بحط حاجة فى دماغى

[ __مشاركة محذوفة__ ]

الله عليك يا عمو عبده وأنت بتقيّم شعرى بـ -1
عموماً دا رأيك الشخصى وأنا شخصياً بحترمه جداً
والحمد لله قدرت أوصل للى كنت عايز أوصله خلاص:D
فاكر لما سألتنى بتفاخر الناس بإيه ؟؟؟ قلتلك بعلمى
علشان تتأكد بس إنى صح:(