هدية عيد الأم جبتوها ولا لسة بتفكروا عايزين افكار مبتكرة

5
0
يالا كل واحد فينا يفكر ويقترح وناخد كام فكرة حلوة
وطبعا يادوب مفيش وقت على بال مانفكر وندور ايه المناسب ونعمل حسابنا
وكل سنة وكل الأمهات بخير ويبقى انا اول واحدة اعيد على امـــــــى

وكل سنة وانت طيبة ياامــــــــــــــــــــــــى

 

إضافة منذ 10 عام
الكاتب الأصلي
تعديل منذ 4 عام

التعليقات

loleta1 منذ 10 عام
لأ مش لسه بدرى ده أحنا لازم نفكر أزاى نسعدها وده ليوم واحد [مابالك هى اللى بتفكر فينا وفى سعادتنا وأستقرارنا كل يوم]
زغباوية منذ 10 عام
عندك حق ومزهقينها وقارفينها وشايلنا همنا حتى بعد ماتجوزنا
الباشمهندسة منذ 9 عام
الظاهر مفيش حد بيشتري هدايا في الموقع دا 😃
انت كتبتي السؤال دا من سنة وانا كتبت السؤال ღღ °° ست الحبايب °° ღღ دا من عشرة ايام وبردو مفيش حد بيجاوب يا عيني علي الام

عارفة لو كنتي كاتبتي هتجيب ايه لحبيبتك في عيد الحب الفالنطيّن :(
كان يمكن نلاقي عشرين اجابة لسؤالنا :'(
زغباوية منذ 9 عام
😞 ههههه فعلا بس انا لسة شايفة السؤال وجاوبت عليه
loleta1 منذ 9 عام
هههههههههههههه ولا حتى الفالنتين بقه بيتجاب فيه ولولا التعب كنت قلتلكوا قبلها مش بعدها

الإجابات

6
عيد الأم ده يوم بنقدر فيه أمنا[ياعينى على الأم وحنان الأم]الهدف منه سعادتها وأحساسها أنها أثمرت أولاد صالحين مش مهم أيه هى الهديه ولا أيه قيمتها المهم أنها تكون مفيده ويفضل لو كانت [الأم]محتاجاها يعنى أنا مثلاأجمل هديه فرحت بيها أمى كتيير كان سكر مخصص لمرضى السكر وهى مريضة سكر وبرضه الهديه بتبقى أجمل وأظرف لوتعاون كل الأولادوالبنات فيها يعنى بنجمع من بعضينا كلنا باللى نقدر عليه مش لازم كله زى بعض ونجيب هديه واحده وجبنا لها[حلق دهب]سابت كل دهبها ولبسته لأنه دليل على تعاون حب الأخوات لبعضهم وحبهم ليها.
أما بالنسبه للهديه نفسها مش شرط تكون ماديه ممكن تبقى معنويه يعنى نفسحها نخرجها نوديها سينما أو مسرح نمشيهافى نادىأو على الكورنيش مع زر بطاطا حلو نحاول نتجمع كأخوات فى اليوم ده عشان تحس بلمتنا مع بعض لأن ده عند كل أم بالدنيا ومافيها وتدلعوها فى اليوم ده لاتطبخ ولاتعمل اللى تقدر تطبخ تطبخ واللى تعمل حلووتملئوا الجو فرحه ونكت وبهجه.
الأفكارالجديده:
ممكن تعملوا بوستر فيه صور الأولاد كلهم وتحته كلمه[بنحبك ياأمى]ويتبروز جنب هديه رمزيه بسيطه من كل واحد من الأولاد.
او تجيبو دلاية ليزر وعليها صوركم.
أو مثلا تشوفوا أهتمامها أيه وتجيبوه يعنى:
لو بتحب قراءة المصحف نجيب لها قاعدة المصحف أومصحف حجم كبير وحروفه كبيرة أوجهاز تعليم ترتيل القرءان.
لو بتحب اللبس نجمع ونجيب طقم كامل تايير مثلا بشنطه وحذاء وأيشارب
لو بتحب النت نعمل ندفع لها فاتورة سنه مقدم.
لوبتحب التحف نجيب حاجه كرستال رقه.
لو بتحب المطبخ.نشوف حاجه ناقصاها ونجيبها أو نجيب حاجه مكمله [ساعة مطبخ_مقياس حرارة الطبيخ-ميزان -دوارق ومعالق عياريه بالمللى والجرام-ألخ]
ممكن نجيب أجهزة قياس الضغط والسكر والحراره اللى بالبطاريات فماتحتاجش تنزل عشان تقيسهم.
ممكن نجيب مخدات أوسابوه طبيين عشان الراحه.
ولو شغلنا قلبنا شويه هنلاقى أفكار لاتعد ولاتحصى لأن حب الأم مالوش حدود
إضافة منذ 10 عام
loleta1
14181

التعليقات

زغباوية منذ 10 عام
الله الله الله من الأول للأخر افكار حلـــــــــــوة
safaa منذ 10 عام
جميل قوى يالولو.. يعنى السنة دى هيكون فيه اختيارات ياسلام!! وعلشان كده هتأخذى +1 ياله
أم العيال منذ 10 عام
إنتي كده زودتيها ياست لوليتا
إيه الأفكار الجامدة دي
تستاهلي+1
safaa منذ 9 عام
لوليتا افكرها كلها حلوة ....وكل سنة وكل الامهات الصغيرات طيبين
loleta1 منذ 9 عام
والله ياطنط خلاتي وبنات خلاتي وإخواتي كله إتجمع السنه دي عند ماما وانا الوحيده اللي مارحتش عشان كنت تعبانه كتير وهي اللي جاتلي وفيوم عيد الأم عشان تتطمن عليا في تعبي (ربنا يخليكي ليّا ياأمي )
وهدية السنه دي كانت (ريسيفر بالفلاشه عشان ماما وبابا بيتابعوا البرامج ويسجلوا منها على الفلاشه على طوول جمعنا كإخوات وجبناه ليهم)
زغباوية منذ 9 عام
حلو اوى الهدايا العملية دى:( ربنا يخليهالك
الباشمهندسة منذ 9 عام
ازيك يا لولو ...الف سلامة عليكي
5
انا جبت لمامتى شنطة يد وازازة برفيوم
وكان نفسي طبعا اجبلها الدنيا كلها نور عيونى مامتى
وكل سنة وكل الامهات بخير وسعادة وصحة جيدة
إضافة منذ 9 عام
zeze
4034

التعليقات

زغباوية منذ 9 عام
ياعم ياعم .....ربنا يخليهالك
zeze منذ 9 عام
ويخليلك ماما صفاء يارب ويحفظهالك
زغباوية منذ 9 عام
يــــــارب
loleta1 منذ 9 عام
أمين+1
الباشمهندسة منذ 9 عام
ربنا يخلي كل الامهات ويديم عليهم الصحة والعافية
zeze منذ 9 عام
اللهم امين
safaa منذ 8 عام
ربنا يخليكى يازيزى بجد حبيبتى
zeze منذ 8 عام
ويحفظك يا ماما يارب ويبعد عنك اى شر
3
الهديه موجوده من زمان ، انا الهديه يعني 😃
إضافة منذ 8 عام
Shady Taha
3653

التعليقات

زغباوية منذ 8 عام
😞
safaa منذ 8 عام
فعلا احلى هدية ربنا يخليك لهاياشادى وتفرح بك وتشوف اولادك يارب
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy