كتير من المصريين بيعانوا من مرض السكر. السكر من الامراض اللى أسلوب حياتك ممكن يساعدك تتحكم فيهأو حتى تمنعه من الأساس. طبعا المتابعه مع طبيب معالج متخصص والالتزام بالأدوية مهم جداً لكن الأكل كمان ممكن يكون ليه تأثير كبير على مستوى السكر في دمك، خصوصا لو إنت بتعاني من مرض السكر من النوع الثاني. أكلات كتير هتساعدك تتحكم في سكرك وكمان تحسن مستويات السكر والإنسولين عندك بشكل ملحوظ لو قدرت تتبع نظام غذائي لفترة كافية.
تعرف على الأكلات اللي لازم تتأكد إنك تدخلها في نظامك الغذائي. الخضروات
الخضروات النية أو المسلوقة أو المشوي من أهم الحاجات اللي لازم تتأكدإنها موجودة في أكلك. كتر من الخروات اللي فيها نشويات أو كربوهيدرات قليلة زي المشروم والكوسة والبضل والبتنجان والطماطم. الخضار زى السبانخ مثلاَ كمان هتساعدك كتير فى التحكم فى نسبة السكر فى الدم.
الشوفان
الشوفان فيه نسبة عاليه جداً من الالياف ودا بيعدل نسبة السكر فى الدم بالتالى متطلبات الجسم للانسولين لمرضى السكر بتقل بشكل ملحوظ.
البقوليات
البقوليات زي الفول والفاصوليا والحمص وغيرهم برضو فيها أليافاللي هتساعد جسمك يحرق النشويات أبطئ ويتحكم في مستوى السكر. كمان البقوليات مليانة بروتين ممكن تكون بديل هايل لللحوم.
اللب والمكسرات
المكسرات زي السوداني والبندق وعين الجمل والفستق وغيرهم مليانين ألياف وبروتين وكمان دهون صحية. اللب كمان سواء كان لب أبيض أو أسمر أو سوري ليه تأثير كبير على التحكم في نسبة السكر في الدم. ده غير إنه كمان بيقلل الكوليسترول وليه فوايد تانية كتير. بس إبعد عن اللب والمكسرات المملحة!
زيت الزيتون
زيت الزيتون من أحسن الحاجات اللي ممكن تعملها لجسمك. غير فوايده الكتير زي إنه مضاد للإلتهابات وكمان بيساعد على التحكم في نسبة السكر في دمك. بعكس الزبدة، الدهون اللي في زيت الزيتون مش هتعلى مقاومة جسمك للإنسولين كمان ممكن يقللها! ده غير إنه بيبطئ الهضم فنسبة السكر في دمك مش هتعلى بسرعة.
زي ما قلنا، السكر مرض أسلوب حياة، مش لازم تفتكر إنك لو عندك سكر مش هتعرف تأكل زي زمان أو تبطل أكل، أهم حاجة تأكل نشويات بس بحساب وتأكل الحاجات اللي هتقلل نسبة السكر عندك وتقلل مقاومة الخلايا عندك للإنسولين!