ازاى ارجع بياض الغسيل الابيض اللى اتحول للاصفر

ممكن تضعى ملعقتين من ملح الليمون فى حلة بلاستيك وتنقعى غسيلك فيها لمدة ساعتين وهتشوفى نتيجة هايلة

استحالة طبعا انها ترجع أبيض ناصع
أنا شايفة انك تعمليها حتت قماش للتنضيف وتجيبى غيرها
كده أسهل

لاقيت الحل: تسخنى الماء جدا ممكن تغليه وتحطى فيه شوية بطاس وسافو وزهرة وتنقعيهم فيه وتغسليهم بطريقتك المعتادة وان شاء الله تلاقى نتيجة كويسة بس خللى بالك من ايديك لان البطاس بيبوظ الايدين
وخلى بالك الكلور بيصفر شوية الملابس دى عن تجربة يعنى مابيرجعهاناصعة البياض

بصى كل فعل وليه رد فعل يعنى الهدوم أصفرت خلاص تمام اولا هاقولك تعملى أيه وأيه أضراره أوعى تستخدمى الكلور مع الملابس البيضاء عشان بتصفر وبتتأكسد فبتترقق وتتهرى بمرور الايام البطاس بيساعد بس بيهرى فى حاجه أسمها بودرة سلخ ريحتها وحشه جدا بتغلى الهدوم فيها هى هتبيضها الى حد ما كويس لأنها بتزيل الطبقه الخارجيه من القماش وطبعا كل ده بيأثر على القماش.<BR>لتفادى الأصفرار ده من أول ماتجيبى لبس أبيض جديد :1-ماتديلوش الفرصه أنه يتبقع بقع مصتعصيه يغسل بعد مرة أو مرتين أستخدام<BR>2-ماتستخدميش الكلور خالص أستخدمى صابون الغسيللالابيض وضيفى 1/4معلقة شاى زهرة على1/2 كوب ماء وذوبيها كويس جداوضيفيها فى خانة المبيضات بالغساله الفول أتوماتيك.<BR>3-كل غسلة أبيض تكررى كده ماتكسليش لأن ده هيحافظ عليها بيضاء فله ولو كسلتى هتصفر بالتدريج.<BR>ملحوظه: أوعى تستخدمى زهره أكتر من الوصفه عشان الابيض ممكن يتقلب أزرق وتبقى ليله وكمان دوبها كويس جدا.

ان سمعت عن وضع ملعقة ديتول مع الغسيل الابيض فى الغسالة بيخلى الغسيل بياضة زاهى