اكتشفت ان عشان تستمرى فى الريجيم يكون افضل لو شاركتى حد ويكون فيه تشجي وتنافس ولو حد وقع نمدله ايدينا ونوقفه تانى فقلت ماتيجى نعمل مع بعض كدا
طيب ايه النظام اللى هانمشى عليه؟؟
1-النظام الغذائى مش هنوحده بس نلتزم بيه بمعنى كل واحدة عارفة نظام وبتستريح عليه هاتمشى عليه
2- الرياضة هانعمل كل يوم على الأقل 1/2 ساعة مشى او جرى او تمارين ومش شرط برة البيت ممكن يكون جوة البيت ويكون وقت ممتع ليكى وياريت اولادك يشاركوكى هايفرحو جدا لو هما صغيرين وهاحاول اجيب لكوا روابط لبعض التمارين لتساعدنا
عندى طريقة خاصة بيا كانت بتجيب معايا نتيجة سريعة بعد كل اكل بجرى او بعمل تمارين لمدة 15 دقيقة يعنى 3 مرات فى اليوم
3- المشروبات المساعدة زى مشروبات سد النفس وحرق الدهون وهاجيبلكو دلوقتى الروابط بتاعتهم علشان نفتكرها وتساعدنا مع العلم وعن تجربتى الشخصية انى لما بواظب على مشروب القرفة بالزنجبيل بعد كل وجبة بلاقى مفعول جامد فى التخسيس
4- المـــــــــــاء هانشرب قبل اى وجبة بربع ساعة 2 كوب ماء وكمان اول ما نصحى من النوم
ملحوظة اللى عايز يضيف حاجة يضيفها على هذا النظام