5 نصايح مهمة للتخلص من وجع الظهر

وجع الظهر من أكتر الأسباب الشائعة اللي بتخلي الناس تروح للدكتور. ووجع الضهر الحاد ممكن يوقفك من ممارسة حياتك بشكل طبيعي. وكلنا عانينا من وجع الظهر على الأقل مرة في حياتنا. وأياً كان سبب وجع الظهر، ممكن يكون مشكلة كبيرة إذا مهتمتش بيها.

وعشان تعرف ازاي ممكن تخفف وجع الظهر، اتبع النصايح اللي هنقولهالك هنا:

1- مارس التمارين بالراحة:
مش معنى إن ضهرك بيوجعك يعني إنك تفضل ممدد طول اليوم، لإن دة مش هيفيد ضهرك بأي شكل من الأشكال. أحسن حل إنك تتابع تمريناتك الرياضية بالشكل المعتاد، لكن بالراحة، يعني متجهدش جسمك برياضة عنيفة عشان ضهرك ميتأذيش أكتر.

2- خف الكرش شوية:
الكرش مش بس شكله مش لطيف، ولكن بردو بيزود وجع الضهر. لإن زيادة الوزن في منطقة البطن تحديداً بتزود من الحمل على العمود الفقري وبالتالي هيزود الوجع. حاول تحافظ على وزن صحي، وخطة غذائية صحية مع روتين تمرينات مناسب.

3- خلي بالك من اللي بتشيله:
وفقاً للي قاله موقع WebMD ، الطريقة اللي بتشيل بيها أي حاجة تقيله مهمة جداً للتقليل وتخفيف وجع الضهر. إتنى ررجليك وكبك وضهرك وقرب الحاجة اللي هتشيلها من جسمك وقت ما بتقوم لفوق. متميلش جسمك وإنت بتقوم بالحاجة اللي شايلها.

4- انتبه لطريقة قعدتك في المكتب:
خلي شاشة جهاز الكمبيوتر مواجه لمستوى نظرك تماماً، واقعد وضهرك مستقيم وكتافك راجعين لورا مش لقدام. اضبط منبهك إنك تقوم استراحة من مكتبك كل ساعة على الأقل. حاول تشد ضهرك خلال فترة الاستراحة، القعاد لفترة طويلة خطر على ضهرك وصحتك بشكل عام.

5-اعمل تمارين إطاله كتير
المجهود اللي بتبذله خلال اليوم بيخلي ضهرك يتعب أصلاً، فما بالك لو كنت بتعاني من وجع الضهر بالفعل، حاول تعمل تمارين إطاله لضهرك مرتين في اليوم على الأقل عشان تخفف الالم.