_ إنك تتعرفى على قدرات طفلك ده شىء رائع
_ وإنك تسعى الى تنمية قدراته ده شىء رائع جداا
_ ولكن الأهم والأروع هو انك تعرفى ( ازاى تحترمى قدراته ) !!
عاوزة أسألكم فى حاجه .. إزاى مازلنا أحيانا بنخطىء فى مقادير الطعام ؟! وببساطه بنقول لنفسنا عادى نظبطها المرة الجاية
وازاى احيانا بننسى حاجات ماينفعش ننساها !! ونقول لنفسنا عادى جلّ من لا يسهو
وازاى احيانا بنشوف ان لنا الحق فى أننا نغضب ونثور لمجرد ان فى حاجه حصلت وكانت ضد رغبتنا !! ومش بس كده ده احنا ممكن اوى نفضل نحاول ونحاول ( نزن ) جاهدين دون يأس أو استسلام إننا نوصل فى الآخر للى احنا عاوزينه ..
الخلاصة / إننا بنوجد لأنفسنا أعذار ومبررات لإخفاقاتنا وأخطائنا .. ولا نستطيع ان نلتمس الأعذار لأطفالنا و لا نتقبل أخطائهم ؟!!
وللاسف الشديد لما بسأل بعض الامهات عن السبب بتكون بعض إجاباتهم كالآتى :
1- عاوزاهم يكونوا احسن منى ومايغلطوش !! .
2- أصل ( والدتى _ حماتى ) لما بتشوف تصرفاهم بتقول انى ماعرفتش أربى !! .
3- إحنا ماكناش كده واحنا صغيرين !! .
4- ابنى فى المدرسة من كثرة أخطاؤه بقى بيقضى معظم وقته ( بانش ) معاقب وده بيخلينى اعاقبه فى البيت كمان !!!!!!!! .
لاـــــــــــــ تعليق
ودلوقت نقطة ومن أول السطر .
(طفلك مش بيخطأ بدون سبب أو مبرر ) وقبل ان نتطرق إلى أسباب الخطأ عند الطفل أو إصراره على الخطأ وتكراره لأكثر من مرة لازم نتفق على بعض النقاط :
1- احترمى قدرات طفلك فى المقام الأول .
2- التمسى له العذر حينما يخطأ أو يخفق فى إنجاز شىء حتى ولو من وجهة نظرك هو شىء بسيط وسهل .
3- احذرى من المقارنه بينه وبين أى طفل آخر حتى وان كانت المقارنه بنية التشجيع والتحفيز
Neveen Abd ElSalam Hamed.