الجلاش باللحم الفروم

5
0
اكيد كتير عارف ازاي يعمل الجلاش بس يمكن طريقتي تفيد حد ويمكن لأ بس انا هاقول واجري على الله :(

االمقادير:
- لفة جلاش
- تلت كيلو لحم مفروم (او ربع )
- بصلة كبيرة مقطع يدويا اما مكعبات او طرنشات رفيع
- فلفل اخضر مقطع
- ملعقة جبن رومي مبشور
- كوب كبير لبن
- بيضة
- سمنة او زيت (او خليط بينهما )

الطريقة:
- عصجي اللحم المفروم وذلك بوضعه في حلة مع البصل المقطع ثم يوضع على النار حتى يغلي ثم يهدأ النار ويترك حتى ينضج
- نحضر صينية مدهونة سمنة او زيت ثم نفرد فيها نصف كمية الجلاش مع ملاحظة ان ندهن بين كل ورقتين من الجلاش بالسمن او الزيت
- نضع على نصف كميةالجلاش بعد فردها اللحم المعصج +الفلفل المقطع +الجبن الرومي
- نضع النصف الاخر منالجلاش فوق الحشو بنفس الطريقة السابقة
- ندهن الوجه بالسمن او الزيت ثم يقطع مربعات او سمبوكسات
- نضرب البيض في كوب كبير بكمية قليلة جدا من الملح والفلفل ثم نضع عليها اللبن ونخلطهم
- نضع خليط البيض واللبن على الجلاش قبل دخوله الفرن وتهز الصينية قليلا حتى يتوزع الخليط بداخله
- توضع الصينية في فرن حار على درجة 180 درجة وتترك حتي تنضج

وبالهنا والشفا

ملاحظات:
-الطريقة دي انا مجرباها يعتي مش نقلاها وانا وخداها من حماتي لان اجمل جلاش اكلته في حياتي من ايديها ربنا يديها الصحة.

-انا بحب اقطع البصل بإيدي لان طعمه بيكون احلى من المبشور

- ممكن تحطي بدل حشو اللحم المفروم حشو اخر مثل جبنة رومي +زيتون +فلفل اخضر
كبد وقوانص للي بيحبوها وبعملها زي طريقة اللحم المعصج بالضبط

 

إضافة منذ 13 عام
الكاتب الأصلي
تعديل منذ 10 عام

التعليقات

زغباوية منذ 13 عام
طب احنا كدا جعنا نعمل ايه؟
محمد عبد المنعم منذ 13 عام
تنفذي الوصفة دي وتسيبيها على التسوية وبعدين تاخدي بعضك انتي وعيالك وتعزمونا هليها في بيتنا
الباشمهندسة منذ 13 عام
نصيحة مجربه ايضا...إنك قبل وضع خليط اللبن والبيض تضعي الجلاش في الفرن مدة 5 الي 8 دقايق الاول حتي يبدأ ورق الجلاش في الانفصال عن بعضه وبعدين صبي خليط اللبن والبيض وده عشان نحافظ علي لون ذهبي لقطع الجلاش ومايكونش لون السطح اغمق قوي قبل مايستوي الجلاش .... وجربيها واكيد هتفرق.
زغباوية منذ 13 عام
حلوة تعزمونا عليها فى بيتنا دى ماشى ياعم من عنيا
الاستاذة منذ 13 عام
انا جربت الطريقتين يا باشمهندسة بس لقيت ان نتيجة وضع خليط اللبن والبيض قبل ما تدخليه الفرن افضل واللون والطعم بيكونوا تحفة
زغباوية منذ 13 عام
احنا ممكن نحكم كل واحدة تعمل طريقتها ونتقابل فى ميدان عام والشعب يحكم
الاستاذة منذ 13 عام
يبقى ميدان التحرير اقصد الشهداء وبعدين نعمل مظاهرة
هههههههههههه
زغباوية منذ 13 عام
وبكدا نكون وطنين بجد هههههههههههه
zedony.com - A mmonem.com production. Privacy Policy