معلومات مهمه لكل ربه بيت شاطره

2
0
- عايزة ريحة حلوة وانتى بتطبخى ممكن تحطى قطعة مسك صغيرة ع عين البوتجاز واول
ما هتفتحى النار هتلاقى الريحة قالبة الدنيا

- عندك حلل الومنيوم لونها بيغير عايزة ترجيعها تانى يلا شوية خل وليمون وادعكى
ولو عندك ورقة فويل كرمشيها وادعكى بيها وبعدين ميه وصابون وشوفيها وتعالى قوليلى

-شاطرة فى المعجنات وشغالة بيض ولبن فى الخلط ويتعبك فى الغسيل
حطى شوية ملح وقشر ليمون وميه سخنه واضربى الخلاط شوية صغيرين خالص
بالميه واشطفى

-بتقشرى الباذنجان وقليه تلاقيه شال الزيت كله وشربه
طيب بعد ما تقشريه حطيه فى شوية مياه وملح وبعدين شوية فى الشمس صغيرين وبعدين اقليه

-بتعملى عصير اى نوع فاكهة وتحطيه فى دورق وتحطيه فى التلاجة كده غلط لان
فيتامين ج اللى فى العصير بيبوظ بمجرد تعرضه للهواء يبقى الافضل نحطه فى ازايز

-عينك بتدمع وانتى بتعملى البصل وبتقطعى قبل ما تقطعيه حطيه نص ساعه فقط لا غير فى الفريزر وبعدين قطعيه

-كلتى اكلة باذنجان بالخل والتوم حطى عودين بقدونس فى بوقك وامضغى
طيب التوم ريحته مالية ايديكى قشر الليمون وادعكى وبعدين اشطفى

- بتحمرى اللحمة والسمنة بتطرطش
رشى شوية ملح صغيرين للسمنة

- عندك ذباب كتير طيب أصيص صغير ازرعيه ريحان او نعناع
الروايح اللى بتطلع منه بتطرد الذباب

- بتحطى سلة القمامة بتاعتك قدام باب الشقة وشوية وبتسمعى حفلة قطط بتتغدى
وسابوا الاكل من غير ما يحاسبوا وبهدلوا الدنيا حطى شوية نشادر ع السلة من فوق

- عندك مطحنة وطحنتى توابل والريحة مش راضية تروح وعايزة تطحنى سكر
اغسليها واطحنى فها شوية عيش محمص

 

إضافة منذ 6 عام
ToTo
1058
غير محدد

التعليقات

عبد المنعم منذ 6 عام
كله جميل ماعدا الالومنيوم .. لاتستخدميه على النار لانه ضار جدا للصحة
zedony.com - A mmonem.com production. Privacy Policy