كابوس بياضه (اتنين) ________________ الحلقه (4)

2
0
فاندهشت بياضه من ضخامه المبلغ وسالت : كيف استطاع والدنا جمع هذا المبلغ الضخم . . فاجاب بران : ده اللى حنعرفه بكره ان شاء الله لما يجيي المحامى . . ونسأله .
وآوى الجميع كل الى جناحه فى الفندق استعدادا للقاء المحامى . وذهب "سى" الى المشفى وقابل "تينار" فى مكتبه . . التى اخذت تحدثه عن القرارات التى اتخذتها خلال اليوم . . وبعد ان انتهيا من عملهم قالت "تينار " : انا واعوذبالله من كلمه انا . . فابتسم "سى" لانه احس انها ستلقى نكته كعادتها . . واكملت : وصلت لنتائج كبيره فى علاج حالتك . فتنبه سى بجديه وقال باهتمام : ازاى ياتينار . . "تينار" : ملخص علاجك يتمثل فى علاج كهربائى قوى ونادر ، وبعد وفاه البرفيسور "نور الاسماك" محدش ممكن يالشحنه دى غيره .
"سى" : كويس وبعدين . ,
"تينار" : انا جمعت جهاز ممكن ياخد الشحنات الاقل ويخزنها ، ثم يعيطيها فى صوره شحنه كبيره . . تساعد على الشفاء بنسبه 95% . . بس الشحنات اللى جاتلى صغيره . . وعملت اعلان فى المحيط لاسماك تعطى شحنات فى مقابل مادى . . وربنا يسهل .
"سى " : انتى هايله ياتينار . . حقيقى عبقريه . .
"تينار"ماهو دا العادى بتاعى وانت عارف .
فضحك "سى" طويلا واكملت " تينار ": وعشان سبب تانى " ونظرت الى عين سى" وقالت بصوت خفيض : عشان بحبك يا"سى" . وانزل "سى" عينيه هربا من نظره "تينار" وقال بابتسامه : ومين مابيحبش اخته . .
فصمتت "تينار " وتنهدت ، وقامت تأهبا للخروج ، فقال "سى" اشوفك بكره . فقالت "تينار" وهى تنظر للوقت : قصدك النهارده بعد شويه ، وخرجت . .
وسرح "سى" فى كلام "تينار" بان شفائه اصبح وشيك عن قريب . حتى نام على كرسيه من الارهاق . . . .
استيقظت بياضه على صوت القوقعه وكان المتحدث اخوها "بدج" قائلا لها : صباح الخير يااختى ، المحامى وصل ومستنينا فى قاعه الاجتماعات بالفندق ، ارجوكى ماتتاخريش . . .
فقامت "بياضه" مسرعه واستعدت للقاء المحامى مع اخوتها . . ونزلت الى القاعه اسفل الفندق ، وكانت تطل على المحيط بالوانه وشعبه المرجانيه واسماكه الرائعه ، وهناك وجدت اخوتها مع المحامى مجتمعين حول المائده ، فجلست وبدأ المحامى الكلام : اعرفكم بنفسى انا "سردينى" حصلت على اعلى الشهادات فى المحاماه ، وكنت المحامى الخاص لوالدكم "بياض البحر" فى السنوات الماضيه ، وزى ماقلت لكم تليفونيا ان والدكم ترك لكم ثروه تقدر ب"1.5" مليار ممثله فى اصول كثيره . . فنادق وعابرات محيط ، وشركات تأمين . . . والوالد ترك لكم رساله مع الوصيه . . اسمحوا لى بقراءتها عليكم . وبدأ المحامى فى قراءه الخطاب : ابنائى الاعزاء . , انا فارقتكم عشان اجيب لكم مال واملاك تخليكم تعيشوا مرتاحين بعد منى . . بس للاسف فى رحلتى نسيت نفسى وبعدت عنكم . . لكن انا كنت متابع اخبار كل واحد منكم ، وبعرف اخباركم من المحامى "سردينى" ، لكن سبتكم لحياتكم من غير تدخل فى شئونكم عشان تواجهو مشاكلم بنفسكم ، وقبل مااكمل عايز اوصيكوا على اختكم "طياب النهر" الصغيره اللى انتم متعرفوهاش . . . . . .
( وللحديث بقيه )
(ابو شهاب )

 

إضافة منذ 9 عام
الكاتب الأصلي

المصدر

https://www.facebook.com/Mhmdsdmhybabwshhab?ref=bookmarks

التعليقات

safaa منذ 9 عام
حمدلله على السلامة ياابو شهاب
safaa منذ 9 عام
+1
محمد سعد مهيب منذ 9 عام
الله يسلمك يارب
zedony.com - A mmonem.com production. Privacy Policy