يا خسارة يا عم حسين .. م السلف و الدين ... و الكيل بمكيالين ... الدنيا دول كتيره .. غنيه ... و فقيرة .. تلاقي شعب كسول ... راضي بأكل الفول ... عمره فـ يوم ما يقول ... ليه انا مفعول ... و لازم اكون فاعل ... مع وطني بتفاعل ... لو اشتغل فاعل ... و ارضي حزرعها .... عشان الاقي أكل ... مكنش انا خامل .. ولا يمكن اتساهل .... مع الخملانين ... اللي مش حاسين ... ان خير بلدي ... موجود جوه الطين ... فــ الصناعة و التجارة ... و الناس العرقانيين ... و فـ شغلهم جادين .. مش ... مزو... غين .... و الخير يفيض و زياده ... لما اشتغل بزيادة ... سامعني يا حماده ... بلاش ودن العجين ... و لما نكون ... فــ جمعنا الميمون .. سبعة و ثمانين ... مليون ... و كل واحد فينا .. فــ ايده حجر ... نبقى بنينا فمصر ... كام مليون هرم .... محترم ... زرعتنا دي هرم ... صنعتنا هرم .... وحدتنا حتبقى .... اكبر هرم ... و قبل فــ حجارتي ما ارص ... لازم اشوف و ابص .... احنا بنبني حضاره ... ولا فـ حتة خص ... يبقى لولادنا مناره ... ولا مجرد فص .... اول ما تيجي الميه ... الفص راح للنص ... و داب .... يادي الليله الهباب .. و ايام العذاب ... بس مش مهم ... نرجع نفوق و نهم .. فــ جمعنا بنلم ... و نشوف ايه الاهم ... و بعديه المهم ... فــ المهم ... و عشان ما تبقى صح ... نيتنا و بدايتنا .... لازم نحدد هدف .... و إلا ... بعد عشر سنين ... حيجي فينا هدف ... نصده ... ولا نسيبه يتحسب هدف ... قوتنا .... فــ التعليم .... و وزارة للتفهيم ... و الا حنلعب ... في دوري المظاليم ... من غير هدف ...
نيجي لدولة كبيرة ... شغاله بجهد عظيم ....... بتعب اهلها ... و الفكر و التنظيم ... و نظمت شعبها .... بالفهم و التعليم ... الاولى و بجهدها ... بقانونها السليم ... اللي عامل حد ... لاي حد .... يعدي الحد ... و خسارة يا عم حسين ... على كيلها بمكيالين ....تلقى دولة قليلة .... ما بيدها حيلة ... تقولها ناو .... و دي دولة صغيرة .... فــ شرها خطيرة ... تقول نوت ناو ... و فنيتو ... معانا حق الفيتو .. يا طعمه يا قطاقيطو ... اسم الله عليكي يا نونو ... حديهم الفتافيتو ... و انتي معاكي الجوز و اللوز ......... و عليهم سباطة موز ........ و شعبهم هيعيش .... بناموسوا و براغيتو ... و مهما اخدتي حاجات ... و بنيتي المستوطنات ... و تطلعي فــ عفريتو ... تكتري فــ شلاليتو ... تدبحي في كتاكيتو .... تتحكمي فــ بيتوا ... ميلاقي حد يغيتو ... و عمركم ما وطيتوا ... و عليهم انتوا عليتو .. يا حلوه يا بطابيطو ...
ايه الكلام الزين ..... الشغل يا حسنين ..... بادينا الاتنين ..... ولا نروح للدين ..... و يرجعونا يا حلو ... للكيل بمكيالين ...
أبــو شهاب
إضافة منذ 9 عام
الكاتب الأصلي
المصدر
https://www.facebook.com/Mhmdsdmhybabwshhab?ref=bookmarks
التعليقات