اولاً :حاولى بأى طريقة تلعبي رياضة
ثانيأ : قبل وبعد الرياضة يكون اكلك يحتوى على سعرات حرارية عالية ومفيدة زى المفتقة والعسل الاسود بالطحينة والحلاوة
وهاحاول بكرة بإذن الله اجيبلك نظام غذائي متكامل لزيادة الوزن وكمان الاعشاب المهمة لفتح الشهية وتزويد الوزن
وطبعاً معلقة العسل الابيض على الريق كل يوم مهمة جداً وكل منتجات النحل لو تقدري تجيبيها من مكان مضمون
لو الحالة لسة مستمرة يفضل انك تروحى لدكتورة متخصصة فى السمنة والنحافة هى هاتديكي فيتامينات وادوية تساعد على فتح الشهية وزيادة الوزن ولو عندك انيميا جامدة ممكن تروحى لدكتور باطنة هايعالج الانيميا لان من اعراضها فقد الشهية
تعليمات هامة:
1- يفضل اكل وجبات صغيرة ومتعددة بخلاف الثلاث وجبات الرئيسية
2- تناول الخضار والفاكهة التى تمد الجسم بالفيتامينات والمعادن الضرورية للصحة مثل: البلح والعنب والتين والموز و....
3- تناول المكسرات والفاكهة المجففة بين الوجبات ويمكن ايضا اضافتها الى السلطة والأرز
4- تناول كوب من اللبن كامل الدسم (ويفضل اللبن المضاعف... وهو اللبن كامل الدسم مضاف اليه اللبن البودرة )مع كل وجبة ولو حطيتي عليه بلح هايكون ممتاز جداً
5- استخدام الزبدة بدل الزيت فى صنع الاكل
6- تجنب شرب الماء مع الوجبات لان ذلك يُضعف عمل الانزيمات الهاضمة الى جانب انه يملا المعدة ويجعلنا نشعر بالشبع بسرعة
7- محاولة التغيير والتنويع في انواع الاكل حتى لا نشعر بالملل
8- التعرض للشمس فهى تحسن الصحة وتفتح الشهية
9- تناول الطعام مع صحبة او في وجود رفقاء محببين وامام التلفزيون ده هايخيليكي تاكل اكتر بدون ماتُشعرى
10- اضافة العسل الى الحليب او اى مشروب ساخن
11- تناول بعض الحلويات في نهاية كل وجبة او استبدالها بالعسل او المربى او القشطة على المربى
زيوت واعشاب تساعد على فتح الشهية :
الفلفل الاسود(يضاف كتوابل للطعام) - الشمر- الزنجبيل - النعناع - الزعتر - البابونج
لو استخدمتى الزيوت اعملى بيها تدليك او استنشيقيها ...اما لو جبتيها كاأعشاب فاستخدميها كمغلي للأوراق او ضيفيها الى طعامك
لو بتعملى كدا ومفيش نتيجة ممكن يكون عندك مشكلة فى الهضم او انتفاخ او مايعيق امتصاص الاكل او انيميا او قد يكون السبب مشكلة اخرى ارجو ان تذهبي لطبيب
ارجو ان اكون افدتك
التعليقات