(كابوس بياضه )
قصه على حلقات
_____________
جزء (9)
لم تستطيع بياضة ان تخفى سعادتها بأعتراف "سى" لها . .التى لم تتوقعه ولم تدرى ماذا تفعل سوى انها تنظر للسماء . . وتحمد الله على تحقيق امنيتها بان "سى" يحبها كما احبته . . .
وبدا ضوء الفجر يعلن عن خروجه من محبسه بأرسال اضاءة خافتة صغيرة . . وهنا سألت بياضة :
انت هنا فى المركز ليه ؟ وايه مشكلتك . . انا شايفة انك حلم كل سمكة . . بذكاءك ورقتك واسلوبك المهذب . .
(سى) : قصتى طويلة ومحزنة . .
(ضه) : وانا هسمعها . . . من اولها لاخرها .
(سى) : انا السمكة الوحيدة من امى وابويا وماليش اى اخوات لان والدى فقد وانا صغير . . وامى ربتنى وسهرت معايا . . وذاكرت وساعدتنى لغاية ما بقيت دكتور وبطل فى الالعاب الرياضية والذهنية . . وكانت بتخطب ليا كل يوم سمكة . . وانا اقولها مقدرش غير انى اكون معاكى ومش هتجوز . . .
بياضة اخرجت الكارت وقالت : على فكرة . . انت بتكدب . . مش دى كل الحقيقة . . لان مافيش اى سمك مش محتاج انه يحب ويتجوز . . لانها غريزة خلقها الله لحفظ النوع . . وهى ملحة على كل الكائنات . . والا مكانش حد اتجوز .
(سى) : الصراحة يا دوك . . مافيش ولا واحدة طابقت مع حلمى حتى اشاركها فى حب امى . . وبخاف ان يكون حب مراتى اكتر من حبها .
(ضه) : ايوووااا كده . . نقول الصراحة عشان نتعالج صح . . ونخرج اى احاسيس سلبية داخلية . . حتى ننسى الكوابيس .
فضحك "سى" وقال : تحت امرك يا دوك . . كما اقدم اعتذارى لكم عن هذا الخطأ الفادح . . كما اوعد سيادتكم انه لن يتكرر . . .
(ضه) : يا "سى" انا بكره الكذب . . وده سبب خلافى مع بياض لانه بيكدب كتير . . و للاسف مبيعرفش يكدب واللى محزنى اكتر انه مبيحترمش ذكائى ومبيقدروش يعنى بلغة جامعة البحور . . فى نظرية التخاطب الذهنى والاتصال يا دوك . . (اذا اردت ان تنتصر فى اتصالك بالاخرين لا بد أن تقيس مستوى ذكائهم الى ذكائك وبحجم "السوفت وير " المخزون لديهم من خلال التجارب والقراءات والدراسات للعقل السمكى و اذا احسست انك اكثر ذكاء فأحتوى من امامك ولا تشعره بذلك حتى لا ينفر منك )أليس ذلك صحيحا ؟
فضحك "سى" وقال : حضرتك قولتيلى الدراسات التمهيدية للدكتوراه بتاعتك كانت فى ايه بالظبط . .
واكملت بياضة وكأنها لم تسمعه وقالت : يعنى لا بد من وجود . .
(1) . قياس لذكاء الاخر .
(2) . احترام حجم خبراته .
(3) . وجود نتائج قياس ايجابية .
تشمل :
(أ) . عدم تعالى . .
(ب) . احتواء .
والنتيجة تكون عدم وجود نفور ومحبة للاخرين . . فصمت سى ولم يقاطعها . . .
(ضه) : بيقى مينفعش يا دكتور انه يقولى انه قطع علاقته بسمكة نهائيا . . ونمرتها موجودة على قوقعته . . يبقى هنا سؤال بدون جواب . . . انت لو مكانى هتزعل ولا تفرح ؟
(سى ) : سؤال صعب . . لانى مش هقدر اتخيل مشاعر النساء لانها بطبيعتها مختلفة تماما عن الرجال .
فقالت بياضة بغضب : يعنى انت موافق على تصرفه ده ؟
فضحك سى وقال : انا مقولتش كده .
(ضه) : احنا خرجنا عن الموضوع كمل انت بقى . . بعد ما فضلت مع مامتك . . حصل ايه ؟
(سى) : اخدتها فى رحلة بحرية وشافت اكتر من مكان فى الاعماق الجميلة . . وانواع السمك النادر . . والاعشاب . . والصخور الملونة بجوار جزر المالديف . . "وصمت فترة ثم اكمل" بس واحنا فى طريق العودة . . وتقريبا فى مياه الغير عميقة. . لاقيت انا وماما وكل السمك المسافر اننا دخلنا فى حبال مربوطة جنب بعضها واننا بنترفع عن مية البحر حتى خرجنا فى الهواء ووجدت البحر اسفلنا . .
ففزعت بياضة وقالت : زى الكابوس اللى بشوفه .
(سى) : حاولت ان اقطع هذه الحبال بسرعة لاعود واتنفس فى داخل البحر . . ولكنى لم استطيع . . حتى نزلنا مع مجموعة اسماك على ظهر القارب الخشبى وشوفتهم .
(ضه) : شوفت مين ؟
(سى) : مخلوقات ضخمة تعيش خارج البحر .
وقالت بياضة وقد اتسعت عينيها من الدهشة : هو فى مخلوقات ممكن تعيش برة البحر . . وبتتنفس ازاى ؟
(سى) : هو ده اللى خلا ايمانى يزيد بقدرة ربنا فى خلقه ويقينى يكتر بعظمته .
(ضه) : وبعد ما شوفتهم حصل ايه ؟
(سى) : فضلت انط بقوة وسرعة لحد ما دخلت البحر تانى وفضلت اسبح بجوار المركب العائمة الى ان فقدت الوعى . .
(ضه) : يااااااه . . انت اتعذبت جامد يا حبيبى .
(سى) : بس الحادثة دى سابت اثر جسدى عندى . .
(ضه) : فين ده . . انت جسمك جميل جدا ورياضى .
(سى): الاثر الجسدى هو انه مينفعش انى اكون زوج لاى سمكة . .
فالتفتت اليه بياضة بدهشة واتسعت حدقة عينيها وكأنها لم تسمع ولم تفهم معنى الجملة الاخيرة . . . . . . . . . . . . . . . . . . . . . . . . . . . . .
(وللحديث بقيه فى الجزء العاشر )
(ابو شهاب )
17/1/2015