(كابوس بياضه )
قصه على حلقات
_____________
جزء (6)
وقبل ان ترد بياضة على سؤال الممرضة . . سمعت صوت خطيبها بياض وهو قادم اليها من الخلف .
(ض) : اميرتى . . . حبيبتى . . عينيا واحشتينى .
(ممرضه) : ممنوع الدخول هنا يا مسكر . . من فضلك اتفضل فى قاعة الزوار .
(ض) : لا . . يا قمر . . انا مش جاى زيارة هنا . . انا هدخل هنا مع حبيبتى . . ولو مش مصدقة روحى راجعى البيانات .
فانصرفت الممرضة الى مكتب الاستقبال .
(ضه) : انت صحيح داخل هنا يا بياض ؟
(ض) : طبعا لا . . هو انا مجنون . . انا بوزعها بس .
(ضه) : بصراحة انت مينفعش تدخل هنا خالص .
(ض) : ومين المسكر الفرع اللى كنتى بتضحكى معاه .
(سى) : انا نزيل هنا ومشترك فى الجدول العلاجى مع مسك بياضة . (ض) : عيان يعنى ؟
(سى) (بابتسامة هادئة) : مظبوط عيان . . اشكرك واحب اوضح يا مسكر ان العيان مش اللى بيعالج سلوكه لانه مسيره هيخف ، لكن العيان هو اللى مبيعالجش سلوكه لان عمره ما هيخف .
(ض) : انت بقيت دكتور اهوه . .
(سى) : انا دكتور الفيزوقراط . . علم التفاعل السلوكى للاسماك البحرية والمحيطية ، وبطل فى رياضة السباحة واول رياضة الالعاب المائية للفكر الذهنى . .
(ض) : تصدق غريبة ! ان دكتور يتعالج عند دكتور .
(ضه) : كفاية يا بياض . . تعالى نروح لقاعة الزوار
ودخلت عليهم مسك تونه وقالت بصوت امر : مسكر بياض مينفعش تكون هنا مين سمحلك ؟
(ض) بأبتسامة وصوت رقيق : اصل خطيبتى ندهتلى وجيت اشوفها فيها حاجة دى !
(تونة) : مينفعش مسك بياضة من فضلك خديه على قاعة الزوار لانه مش نزيل زى ما قال للممرضة .
نظرت بياضة اليهم ثم قالت : اتفضل يا مسكر وخلى مسك تونة توصلك . . انا طالعة انام وحيته وانصرفت الى غرفتها قبل ان ينطق احد منهم . . وفتحت جهاز الاضاءة الخافت ونظرت اليه وتذكرت . . . اول يوم لقائها ببياض فى البحر ماركت بعيد عن منزلها وذلك قبل ان تفقد امها بأسابيع . . . حينما تنبهت وهى تسير فى الماركت على صوته يقول . . بجد فى كده ؟ . فنظرت اليه متسائلة . . .
(ضه) : هو المسكر بيكلمنى ؟
ونظرت اليه فوجدت وجهه نحيف به لمحة ابتسام وعينين ماكرتين وجسد نحيف وممشوق ومهندم .
فقال لها : هو فى حد غيرك يا مسك انا بسأل المعلبات حلوة اوى كده ؟
(ضه) ولم تفهم كلامه فى بدء الامر . .
وقالت : نعم . . فى الجزء العلوى معلبات اجمل واحلى من هنا .
(ض) : انامشوفتش فى الماركت كله اطعم واجمل من هنا . .
وتنبهت بياضة الى تلميحه بلغزل وخجلت خجل الانثى . .
وهمت بالانصراف فلاحقها وقال : والاجمل من كده انه ابيض وعينيه الوان
فأسرعت بياضة . . . ومالت الى اليمين وتجولت فى الماركت وعند الخزينة وجدته ينظر اليها بود واعجاب بادى على عينيه فلم ترد النظرة وخرجت . .
وانتظرت الاخطبوط العائم ولكنها وجدته يقف بأخطبوه الخاص ويقوم ويحمل حقيبتها ويضعها على ظهر الاخطبوط ويقول :
اتفضلى اوصلك . . . . فتعجبت و احتدت نبرة صوتها . . .
وقالت : مين قالك تعمل كده ؟ . . من فضلك رجع الشنطة وامشى قبل ما اكلم السمك النقال يجى يشيل عربيتك . . . فأعاد الشنطة واعتذر ومشى وتذكرت عودتها حينما عادت لامها لتحكى عن المسكر المعجب . .
فقالت امها : اذا كلمك تانى خليه يجى يقابلنى . .
فأبتسمت بياضة وقالت : ده اذا ظهر تانى بعد اللى عملته فيه وحضنت امها . .
وعند ذهابها للعمل قالت بلطيه لبياضه : بروف جمبرى عايزك لامر شديد الاهمية . . فانزلت حقيبتها . . واسرعت على مكتب بروف جمبرى . . فرحب بها وقال لها : عايز اعرفك على صديق سمع عنك وعايز يشوفك ويتعرف عليكى . .
فابتسمت وقالت : اهلا باصدقاءك يا بروف . . .
فالتفت اليها بياض وقال لها : مرحبا يا مسك . . . فاتسعت عين بياضة من الدهشة قائلة : انت جيت هنا ازاى ؟ . . . . . . . . . . . . .
(وللحديث بقيه فى الجزء السابع )
(ابو شهاب )
16/1/2015