المركب اللى فيها سكة حديد!!!

1
0

خبر عادي https://www.facebook.com/NoBarad3ie/photos/pcb.1046074205403809/1046073848737178/?type=1
..https://www.facebook.com/NoBarad3ie/photos/pcb.1046074205403809/1046073815403848/?type=1
خبر عادي وصياغته غبية، لأن المحرر اللي كتبه ميعرفش حاجة عن النقل البحري
الخبر هو :
"وزير التموين بيعلن عن مشروع سفينة بها سكة حديد لربط مصر بأوروبا"
و طبعا نبتدى بقى كله يجّود و يطلع أحسن أفيهات على الموضوع، و الألش يشتغل، و الصفحات الساخرة تاكل عيش، و الأخوة شمامين الكولة بتوع هبللة الدولة يشتغلوا على النغمة اياها ، و الاخوان يقولك وزير الانقلاب بيهبل و القطر هيمشى فى الميه هاهاها.
على فكرة عادي انك متعرفش حاجة زي دي..ماهو مش مطلوب من كل واحد انه يكون خبير في كل حاجة..، بس قبل ما تألش أدخل جوجل و حاول تقرا عن الموضوع عشان ميبقاش شكلك وحش ..
نفس فكرة الرورو Ro - Ro Ships اللي العربية بتدخل فيها المركب زى ماهي، زى العبارات عشان أقربلك الفكرة، الموضوع مش اعجاز يعنى.
القطر هيمشى في سكة حديد داخل مصر و تنتهى بميناء دمياط يدخل على السفينة على طول ويفضل فيها بحمولته لحد ما يوصل إيطاليا .. مفيش تفريغ...مفيش انتظار.. مفيش تضييع وقت... تجارة سريعة بين مصر و أوروبا.
ده باختصار اللي عاوز خالد حنفي يعمله ...قطار بضايع يدخل جوا المركب بدل مايبقي فيه تفريغ بضاعة وبعدين شحن تاني ... بس طبعا احنا مورناش غير الألش والزيطة ..
مرفق الصور للتوضيح

 

إضافة منذ 7 عام
Menem
5403
منقول

المصدر

عصام نوفل عن حملة المليون مصرى

التعليقات

لا يوجد
zedony.com - A mmonem.com production. Privacy Policy