القولون .. سبب رئيسى لمتاعبك الصحية

3
0
التشبيه ده انا شايفه مناسب .. ان رادياتير العربية لما يتسد بالرواسب الناعمة اللزجة بيؤدى بعد وقت الى لخبطة اداء العربية عموما .. ليه؟!!!
لما الموتور بيشتغل بيبقى مولع .. والزيت اللى بيبرد الاجزاء الداخلية كمان بيسخن جدا .. وانت دايس بنزين برضه .. والعربية ما بتسحبش ..ومروحة الرادياتير ما بتفصلش.. والثرموستات بيلدع ..وفى الآخر الموتور بيقفش منك .. صح ولا لأ؟..خد عندك كمان : الدينامو بيسخن والبطارية والمارش والفرش وموحدات الشحن اللى هى السيليكونات ..وقد يغلى الماء داخل الرادياتير ويزداد ضغط البخار ويفرقع الغطا.. وانت قاعد فى العربية محتاس او خرجت منها وبرضه محتاس .. ويمكن تروح للكهربائى يكشف عن المارش والدينامو والبطارية .. او تروح للميكانيكى وتقول له العربية ما بتسحش او البنزين زى ما يكون بيطير من العربية .. فييبدأ بالكشف على الزيت او يفك الكاربوريتور او يشك فى البوبينة او طلمبة الماء او اواواواواواواواواوا الخ ..
ايه رأيكم فى التشبيه ده بقى ؟؟
اهو القولون فى الانسان زى رادياتير العربية اللى مواسيره اتسدت .. مع الفرق طبعا فى نوع الوظيفة ..
جضرتك جه على بالك فى يوم تنظف قولونك .. او تسلكه ....؟؟ زمان واحنا صغيرين اتربينا على شرب الشيح ولو مرة فى الشهر .. واحيانا كنا نستعمل شربة الخروع او الملح الانجليزى ...
حد بيعمل كده الايام دى ؟!! علشان كده ناس كتير مصابة بالبواسير او الشرخ او الناصور بسبب الامساك .. وناس كتير بتصاب بداء السمنة لانها لا تخرج الفضلات الا كل 3 -4 ايام والجسم يمتص عن طريق القولون اللى محتاجه واللى مش محتاجه ..
طب ليه قالوا ان الفترة اللازمة لهضم وامتصاص الغذاء واخراج الفضلات 6 ساعات ولذلك لا يجب ان نأكل الا كل 6 ساعات .. يعنى لا نأكل طعام على طعام...
من غير مبالغة لما الرادياتير بيكون سلكان فالعربية كلها بتبقى مرتاحة بما فيها اللى سايق .
نفس التشبيه لو قولونك سلكان وخالى من الرواسب الناعمة الملتصقة بخملات الامعاء والمتراكمة عبر السنين واحنا برضه نازلين طحن .. واللى يجيى له صداع واللى يجيله سكر واللى يجيىله ضغط واللى يجيله كسل او دهون على الكبد او اللى مرارته تلتهب او تعمل حصاوى او شرايينه تبدأ فى التقلص ونجرى على كولو سبازمين .. كل ده وننسى ان الرادياتير مواسيره مسدودة ..ونروح للعطار علشان الامساك والاسهال والصداع النصفى والسمنة او اذابة الحصاوى الخ الخ الخ الخ الخح الخح..
بعد المحاضرة دى اليكم خلاصة التجربة مع ناس كتير : 5 جرام خبز النحل كل يوم بالليل بعد الاكل بساعتين ولمدة 5 - 6- 7 -8 أيام حسب طبيعة الجسم .. ستفاجأ بكمية الفضلات التى تخرجها والتى كانت نخزونة فى نخاريب القولون ولا انت دارى بيها .. ولو انت دقيق الملاحظة هتشوف ان بعد ما تاكل بست ساعات هتلاقى نفسك داخل الحمام ...

 

إضافة منذ 9 عام
Menem
5403
الكاتب الأصلي

المصدر

تجارب مشتركة

التعليقات

محمد عبد المنعم منذ 9 عام
هندسة !
zedony.com - A mmonem.com production. Privacy Policy