اسم غريب مش كدا
XStat بحب قوي اتابع اخر الاختراعات الطبية بالذات الواحد بيلاقي حاجات مذهلة وممكن تعمل تغير كبير في البشرية ..... وبالبحث وجدت هذا الاختراع في احد المواقع الاجنبية وليه أكثر من فيديو علي اليوتيوب.
وبعد الترجمة نقدر نقول من كتر الحرص الشديد علي ارواح الجنود في المعارك ففكروا لما جندي بيصاب بطلقات نارية او يتعرض لجُرح غائر بيؤدي الي نزيف شديد وممكن التأخير في نقل بعض الحالات الي مواقع الاسعاف قد يموت الجندي ففكروا في عمل حقنة كبيرة بتحتوي علي كبسولات صغيرة جدا مصنوعة من مواد شبيه بالاسفنج مضغوطة بدرجة عالية جدا وبيتم حقنها في موقع النزف وبسرعة شديدة جدا لا تتعدي 15 ثانية بتتمدد وتنفش وبتعمل علي وقف النزيف وغلق ومنع خروج الدم من الجسم وبالتالي النزيف لما يقف يتم نقل الجندي الي المستشفي ويتم انقاذه من الموت نزفًا.
والجميل انه بيتم تعليم كل اسبونج منهم بعلامة اعتقد انها معدنية علي شكل (+) عشان يتم الكشف عنها بجهاز السونار تجنبا لترك اي منها داخل الجسم.
دي صورة الاختراع وطريقة عمله 
اللي عاجبني قوي هو قد ايه الاهتمام بانقاذ الجنود يعني الاختراع دا بكل تجاربه وتكاليفه وابحاثة عشان يخدم هدف مهم هو انقاذ الجنود في ساحات الحرب..... ناس بتحافظ علي ولادهم مش بيرموهم في التهلكة ويحتسبوهم عند الله وخلاص .