لو عندك مشكلة

4
0
لو في أي مشكلة سلوكية أوسلوك عند أولادكم عاوزينه يتعدل ...سواء محتاج يزيد أو يقل أو سلوك محتاجين ايجاده ..قولولي وإن شاء الله أقدر افيدكم :(

 

إضافة منذ 7 عام
الكاتب الأصلي
تعديل منذ 7 عام

التعليقات

زغباوية منذ 7 عام
جميل اوى وانا اول واحدة بس نخليها ان شاء الله بكرة
شيماء مصطفي منذ 7 عام
في أي وقت يعجبك ابعتيلي سواء هنا أو مسج أو الفيس 😞
الباشمهندسة منذ 7 عام
انتي فينك يا شيمو .... الاجازة واخداكي منا خالص

عايزين سلسلة من المقالات الحلوة بتاعتك ... وفين موضوعات اللغة العربية اللي كنتي فتحتيها زمان ... استكمالات بقي (Y)
شيماء مصطفي منذ 7 عام
عنيا ياباشمهندسة 😞
زغباوية منذ 7 عام
اول مشكلة عندى...ابنى عنده حوالى 8 سنين هو طيب وحنين وبيسمع الكلام (مش فى كل وقت طبعاً بمزاجه يعني) بس بيحب يرضيني
زغباوية منذ 7 عام
ومتردد يعني ولانى حابة انه يكون له رايه فبترك له حرية الاختيار بيختار فى وقت طويل اوى وبحس ان فيه علاقة قوية بين انه يرضيني وانه يختار اللى بيحبه وعايزه فعلاً يعني كتير بحس انه اختار لشئ ده علشان يرضيني مع ان ا
شيماء مصطفي منذ 7 عام
بصي الطفل لما بياخد قرار بياخده القرار اللي هيعود عليه بفايده يعني هيسعده ..ومادام بيختار اللي يرضيكي يبقي لأنه أولاًًًًًً لأنه شايف انك هتكوني مبسوطة من القرار وبالتالي مبسوطة منه ودي الفايدة اللي حصل عليها من القرار ، وممكن لأنه مش فاهم كويس الفرق بين الاختيارات فبيختار اللي يرضيكي لأنه فاهم ان أكيد انتي اختارتي الأفضل لكن المشكلة بقي انه يكون بطبعه شخصية اعتمادية يعني بيعتمد عليكي في كل حاجة وبالتالي لما يكون مطلوب منه ياخد قرار برضو بيعتمد عليكي وعلي اللي بتقوليه ، وفي كل الأحول عليكي تفهميه كويس الفرق بين كل اختيار وتوضحيله نتايج اختياره. وكمان توضحيله كويس جدا ان اختياره ده حتي لو كان غلط مش هيحصل أي حاجة وانك هتوضحيله الأحسن مش أكتر . وأخر حاجة تدربيه في حاجات بسيطه مثلا يختار بين الملابس اللي هيخرج بيها وتكوني بتطلبي من اخواته برضو يختارو ، ولو في مرة حاسه فعلا انه مش قادر يختار اختاري انتي وفهميه سبب اختيارك وازاي اختارتي وقوليله ان المرة الجاية هو هيختار .
الباشمهندسة منذ 7 عام
100 100 ---- كلام جميل كلام معقول ... ماأقدرش أقول حاجة عنه
شيماء مصطفي منذ 7 عام
😞
زغباوية منذ 7 عام
شكراً جزيلاً ياشيماء كلامك عاجبني اوى انا قريته اكتر من مرة صيحح ومرتب ومتخصص وعملى .....ربنا يوفقك انت لو شتغلتى دكتورة نفسية وتعديل سلوك هاتكونى من اشطر الدكاترةولا ناوية على حاجة تانية
زغباوية منذ 7 عام
خدى بقي المشكلة الثانية والثالثة
زغباوية منذ 7 عام
هو هو نفس الولد كسول جداً والمشكلة الثالثة بالرغم من انه بيحب يرضيني الا انه فى اوقات كتيرة بيكون عندي و مع انى بتكلم معاه وافهمه انا وباباه وهو بيكون مقتنع وساعات عايز يعمل نفس الحاجة بس دماغه بتقفل جامد وفى الاخر بتقلب بعلقة وكمثال هانخرج كلنا وهو تقفل معاه انه مايخرجش مع انه عايز وحابب انه يخرج بس مكسل يقوم ويلبس
شيماء مصطفي منذ 7 عام
العفو علي ايه 😞 ....لا طبعاً مش ناوية علي حاجة تانية ، والنهاردة الحمدلله بدأت تدريب ، ياااااااااارب أكمل
شيماء مصطفي منذ 7 عام
وبالنسبة للكسل ، لو مش مشترك في اي نشاط أو لعبة يبقي الأحسن انه يشترك ، أو انتي في البيت بالتدريج تعملي معاه تمارين بسيطة وتزودي بالتدريج ، وفي نفس الوقت أي حاجة بتجذبه لأنه يفضل في البيت تتمنع ، يعني لو هو هيقعد يتفرج ع التي في أو يلعب بحاجة معينة تعرفيه انه لو مش هيخرج وهيقعد مش هيتفرج علي التي في ولا هيلعب بكذا (اللي هو بيحبها) ، والأهم بقي ان المره اللي يسمع فيها الكلام من غير عناد والمرة اللي يبطل فيها كسل لازم تكافئية حاجة بيحبها بس تكون حاجة محددة يعني مثلا هو بيحب الشوكلت تشوفي أي نوع وتقوليله أنا جبتلك دي عشان انت سمعت الكلام ، والمرة الجاية هتبقي حاجة أحلي .
zedony.com - A mmonem.com production. Privacy Policy