الاستفادة من انقطــــــــــــاع الكهربا

4
0
بكتب المقال ده بسرعو وانا خايفة الكهربا تقطع فى اى وقت بقالها كدا ساعة ونصف ماقطعيتش

بما اننا شكلنا هانطول فى موضوع قطع الكهربا ده وبدل ما نشتم وندعي على اللى كان السبب ولأنى بحب اكون ايجابية فقررت استغل الوقت الضايع عندما تُقطع الكهربـــاء واعمل حاجات مفيدة زى:

1- اقراْ قصص لأولادى ونستمتع معاً بدون التكنولوجيا الحديثة

2- العب العاب جميلة زى لعبة خيال الظل زى لما كنا بنلعبها زمان عند انقطاع الكهربا وأزود وأحليّ ذكرياتهم زى ما احنا كدا بنفتكر زمان وذكرياتنا الجميلة

3- نعيد علاقتنا بالورقة والقلم بعد ما اتقطعت بفضل التكنولوجيا الحديثة واجهز مثلاً موضوع اكتبه فى زيدوني :( او احتياجاتى المنزلية او ارتب افكارى لكل اولويات حياتى او ممكن كمان اتعلم اكتب يومياتى وبعد فترة لما نرجع لهذه اليوميات هانضحك ونفتكر حاجات حلوة بتتنسي مع دوامة الحياة

4- كمان هاعيد علاقتى بالكتاب صدقونى فعلاً هاتستمتعوا اكتر من الفيس بوك والتكنولوجيا الحديثة

5- استغل الفرصة دى واجلس كدا مع نفسي اكيد فيه حاجات كتير عايزة اقولها لى ونناقش بعضنا فيها يعنى باختصار هااشتغل على نفسي شوية بمعنى اخر هاظبط نفسي واقيمها واعيد برمجتها للصح والغى الأخطاء يعنى بلغة الكمبيوتر هافرمت نفسي :(

6- واسهل حاجة اقد اعملها في هذا الظلاااااااااام اجلس استغفر واحمد ربنا واسبح شوية وياسلاااااام بقى لو الكلام ده يحصل في البلكونة او التراس وانتم قاعدين بتتأملوا في الكون وفي خلق الله في السماء والنجوم وووووو احساس جميل ويبعث على الهدووؤ النفسي

7- كمان تقدر تكلم كل قرايبك واصحابك اللى بقالك كتير ماكلمتهمش وتسأل عنهم

انا كدا قولت اللى عندى ولما الكهربا تقطع تانى افكر لكم فى افكار تانى
ياريت اللى عنده افكار اخرى مايبخلش بيها علينا
ويارب اقدر اكون افدتكم
وابقوا افتكرونى في الظلمة :D

 

إضافة منذ 7 عام
الكاتب الأصلي
تعديل منذ 7 عام

التعليقات

الباشمهندسة منذ 7 عام
وازاي بقي هتقري قصص وتقري كتب وتستخدمي الورقة والقلم ... مفيش كهربا يعني الدنيا ظلام والا ناوية تستخدمي اضواء الشموع وتمققي عنيك .....ركزي شوية مش كل الناس عندها كشافات 😞
زغباوية منذ 7 عام
يعني انا بقول افكار واللى تنفع معاه يعملها واللى ماتنفعش يجرب غيرها او يقوللنا افكار تانية وينفعنا بيها
zedony.com - A mmonem.com production. Privacy Policy