بفكر فى البلكونة والنور قاطع للمرة التانية ان مفيش حل لمشكلة الطاقة غير اللى قلته قبل كده!!
اكتتاب فى كل محافظة لانشاء محطة توليد كهرباء باستخدام القمامة وفضلات الحقول والحدائق ... واثناء عملية الاكتتاب اللى هتاخدلها ييجى سنة تكون لجنة علمية كيميائية هندسية تكنولوجية وصلت لتحديد اسلوب استخدام القمامة ان كان حرقها تحت مرجل لتوليد البخار او تخميرها فى خزانات ضخمة لتوليد غاز حيوى ..وتكون المحافظة حددت موقع بمساحة كافية لاقامة المنشآت ..
الفكرة دى موجزة .. فيها تفاصيل كتيرة جدا .. اللى لاقى نفسه مهتم يدخل يكمل مناقشة ..
للاسف الناس اتعودت على الرحرحة وكتر الشكوى ..
والوقت اللى احنا فيه ده هو المناسب لكل من يحب ان يؤدى دورا لتغيير وجه الوطن !!
تخيلو لو المشروع ده اتعمل فى كل المحافظات !!! شوفو كام مرجل بخارى هيتعمل فى شركة المراجل !! وشوفو كام فرد هيشتغل فى تجميع القمامة وفضلات المزارع والحدائق وما يتعلق بها من انشطة مختلفة !!
ده لو حصل هيكون عندنا طاقة رخيصة جدا لاستهالكنا بصفتنا مساهمين واللى هيفيض هيتباع ويكون لنا منه نصيب من الربح !!
اهرشوا دماغاتكم معايا !!!!