أحلي وأنضف وأوفر لانشون ممكن تاكلوه في حياتكو

6
1
#المقادير#
4- بيضة
4- جبنة نستو
كوباية دقيق
نص كوباية زيت
معلقة صغيرة مليانة بصل بودر
معلقة صغيرة مليانة توم بودر
واحدة حبهان ....واحدة بس......
نص معلقة صغيرة كركم
نص معلقة صغيرة فلفل أسود
ملح حسب الرغبة ويستحسن معلقة صغيرة ممسوحة
بهارات (أنا استخدمت بهارات كانت عندي تقريبا بتاع الكفته)
شريحة من صدر فرخة بانيه متشوح عالنار علشان الزفارة بتاعته ومتتبل بالملح والفلفل (موضوع الفرخة أو اللحمه مش أساسي خالص في اللانشون الأساس هو البيض والجبنة والدقيق وباقي المكونات)
للون ممكن تحطي تنتوفة من ألوان المطبخ أنا دايما باحط دم غزال وده بودرة بتيجي من عند العطار
الطريقة
كل المقادير تضربيها في الخلاط ضربة محترمة لحد أما تبقي زي الكيكة السايلة
طريقة التسوية
الطريقة الأولي
تجهزي كيس ساندوتشات كبير شويه وتربطيه من الناحية المقفوله وبعدين تصبي الخليط فيه وتربطيه وتلفيه في فويل علي شكل بونبوناية وبعدين تسقطيه في حله فيها ماية مغليه وتسيبيه علي نار هاديه لمدة ساعة وبعد كده تطلعيه وتعينيه في التلاجة وتاني يوم تاكليه بالهنا والشفابعد متتقطعيه بقطاعة الشيبسي
الطريقة التانية
انك تصبي الخليط في صينية فرن وتكون برضو في حمام مائي في الفرن ولمدة ساعة لكن أنا جربت الطريقة دي مرة ولزق في الصينية شوية
هاحاول بكرة أنزل صورة ليه بس هايكون مستوي ان شاء الله
{{uf:2387}} {{uf:2388}} {{uf:2389}}

 

إضافة منذ 7 عام
الكاتب الأصلي
تعديل منذ 7 عام

التعليقات

أم العيال منذ 7 عام
ممكن بعد ده كله تدوله فحمة علشان تديله ريحة أحلي
أم العيال منذ 7 عام
ممكن بعد مايتخلط في الخلاط وانتي بتصبيه في الكيس أو الصينية تديل شوية شرائح زيتون أو فلفل لأسود حب مش مطحون
Menem منذ 7 عام
عجة يعنى !!!
أم العيال منذ 7 عام
مش عجة خالص ده شكله وطعمه زي الانشون بالظبط ويمكن احلي
زغباوية منذ 7 عام
وريحته كمان زى اللانشون الصناعي بس ده بقى ايه صحى ومضمون
شكراً يا ام العيال
loleta1 منذ 7 عام
تسلم الأيادي ياام العيال
الباشمهندسة منذ 7 عام
10 علي 10
أم العيال منذ 7 عام
العفو يا جماعة ياريت تكونو جربتوه
zedony.com - A mmonem.com production. Privacy Policy