السموم الأربعة

4
0
ال ٤ القاتلة لأى تواصل :The 4 Toxins
قام عالم النفس الشهير جون جوتمان ببحث على سنوات عدة لأسباب انعدام الثقة بين أفراد فريق العمل الواحد ومن ثَمّ انعدام التواصل ومن نتائج البحث وجد ٤ آفات سمّاها السموم الأربعة إن وجدت قتلت أى سبيل للتواصل وقد رأيت منها الكثير السنوات ال فاتت بينّا وبين بعض:
السم الأول: الإحتقار Contempt
وهو التحدث للآخر وانت شايف انك أحسن أو أفضل أو أنظف منه سواء أخلاقيا أو من حيث الإمكانيات فتتحدث معه بشئ من الفوقية فى صورة احتقار ، تهكم، تريقة ، سخرية وكأنه مش بنى آدم ولا يُعد شخص له آرائه ووجهة نظر وإحساس.
السم الثانى: اللوم Blaming
وهو الإتهام المباشر والطعن فى شخص البنى آدم ال بتكلمه وبصفات سيئة دون سلوكه فى صورة قذف وسب وسيل من الإتهامات Labeling .
السم الثالث: الدفاع السلبى عن النفس Defensiveness
وهو الإنكار الكامل لما يقوله الشخص الآخر ولعب دور الضحية ويأتى فى صورة كما ذكرت الإنكار وعدم تحمّل المسؤولية واللعب على العواطف وأحيانا التقطيم والمسكنة حتى يشعر الآخر انه ظالم ومفترى وأحيانا واهم كمان ولا يرد فى صلب الموضوع مثال طب ما انت كمان بتتأخر وهكذا.
السم الرابع: التناحة( وش الخشب) Stonewalling
وهو عدم ابداء أى رد فعل وكأن الشخص ال قدامك غير موجود ويأتى فى صورة تناحة الوجه حيث لا يبدى أى تفاعلات وكأنه شارد تماما أو تمثال أصم.
أيا من السموم التى ذكرتها كفيلة إنها تنهى أى نقاش وهى وسائل تظهر ضعف حيلة الشخص للتواصل الإيجابى وأيضا تنم عن قلة ثقة وغباء إجتماعى بعض الشئ مع اننا كلنا بنستخدمهم من وقت إلى آخر وأنا أولكم وعادة بستخدم الرابعة:)

 

إضافة منذ 7 عام
منقول

المصدر

د.أحمد الأعور

التعليقات

Menem منذ 7 عام
لسه كمان : الغرور والاستعلاء والقرننة والحقد والغل وغيره
safaa منذ 7 عام
وحشتينا ياشوشو
شيماء مصطفي منذ 7 عام
وحضرتك كماان 😘
الباشمهندسة منذ 7 عام
مثير جدا عنوان المقال ..ز افتكرتك هتتكلمي عن الملح والسكر والدقيق حاجات ليها علاقة بالمعدة ... طل الموضوع مالهوش في الاكل والشرب طلع ليه دخل بالقلب والعقل .
الباشمهندسة منذ 7 عام
الحقيقة ..... الصح ان الواحد لا يقدم علي عمل جماعي الا مع اشخاص يكون متوافق معهم عشان تكون النتائج ايجابية .... لكن اذا فرض عليه في العمل في اي اوساط اجتماعية هو دهخيل عليها هتظهر سلبيات كتير واعتقد ان الدور الرئيسي هنا مش بيكون نابع من الاشخاص نفسها بيكون له علاقة مباشرة بالقائد بتاعهم هو الوحيد القادر علي تنظيمهم وتكليف كل واحد بمهمة يقدر عليها ولو حدث تدخلات في المهام يبقي مدرك مين يقدر يشتغل مع مين ونجاح العمل من نجاح الادارة قبل الاشخاص ... ودي وجهة نظر ليس أكتر ..... لكن لو اتسابت المهمة بدون قيادي فيها ... يبقي نسأل الله السلامة ومايكونش فيها دم في الاخر 😞
zedony.com - A mmonem.com production. Privacy Policy