انا هادخل في الموضوع علي طول .....
للاسف الشديد لي جار عزيز عِشرة 35 سنة ولكنه يسكن حاليا في منطقة اخري وانا كذلك بعد زواجي و اكتشفت مؤخرا انه بيعمل عمليه خطيرة في لندن
ربنا يشفيه ولما تتبعت الموضوع لقيت المشكلة عنده غريبة جدا انه كان بيعاني من التهاب الجيوب الانفية وان الموضوع تم اهماله من الاطباء مع عدم اعطاء الدواء المناسب حتي وصل عندة الي عصب احد العينين وتقريبا فقدها ووصل الي جزء معين من المخ وهو دا اللي بيعمله عملية حاليا.
استغربت جدا لما سمعت القصة وقلت معقولة الكلام دا اكيد مش صحيح المهم قلت ابحث في الموضوع.... المهم من المفارقات اللطيفة جدا اني وجدت هنا في
زيدوني مقال مهم جدا عن الموضوع واخذت اقرأ فيه ووجدت فعلا ان التهاب الجيوب الانفيه بيعمل الكوارث دي كلها واكتر .
بالمناسبة المقال هنا للعضو المميز
Eng Ahmed الطب النبوي والتهاب الجيوب الأنفية اللي استفزني جدا هو اني متضايقة جدا ان المعلومات المهمة والمفيدة دي مش بتوصل للناس كلها وان البعض بيعدي علي المقالات مرور الكرام وقد يصوت اليها ولا ينتبه للفائدة منها أوالغرض الاساسي من نشرها ودا شئ محزن جدا .
اتمني ان الناس تبطل الاسفاف والتفاهة اللي بيكون علي بعض مواقع التواصل الاجتماعي وتركز شوية في الموضوعات اللي ممكن تفيدهم وتفيد غيرهم .
هذا الجار لو كان يعلم بأن مجرد التهاب بسيط في الجيوب الانفية قد يسبب كل ما وصل اليه الان وان علاجه بسيط جدا لإختلف الامر بعد إرادة ربنا طبعا .... ولن أقول غير
ربنا يشفيه ويعفو عنه ويصلح حال الناس جميعا وخصوصا الشباب .