كثير منا يقرأ القرأن الكريم وقد يحافظ علي ورد ثابت يوميا ولكن...
للاسف الشديد نسبة كبيرة بيكون مفيش تدبر لمعاني وايات كثيرة مذكورة بيكون من وراها حكمة وعبرة للناس عشان تتعظ وتتعمق في عظمة الخالق ....
طيب المشكلة دي سببها ايه؟! في رأيي البسيط اولا الدين في المدارس
ضايع بس دي مشكلة مش هنقدر نتطرق اليها ... والسبب التاني من وجهة نظري الشخصية هي ان معظم كتب التفسير و المعاجم بيكون طريقة البحث فيها معقدة وصعبة ولازم ترد الكلمة او الفعل الي اصلة واجراءات كتير تصعب المسالة علي الكبير والصغير وبعدين لو حتي وصلنا للمعني تلاقية مكتوب بمعاني والفاظ قد تكون اصعب من الكلمة نفسها ...انا بعتبره
أسلوب ناس مُعقديين .... وعايزين يعقدوا غيرهم من الاخر كدا بعد محاولات عدة تلاقي نفسك بتقرا ومش فاهم وخلاص عشان عايز تأخذ حسنات وخلاص .
الحقيقة اني علي الرغم من اني اللي عمل كتاب
الابجدي هو أبي
أحمد فهمي الا اني لم اقدر هذا العمل في حينه يعني كان عندنا معسكر لمدة لا تقل عن ثلاث سنوات تقريبا كتب ومراجع واتذكر ان مائدة السفرة كانت معمل خاص لابي عشان يجمع معاني الكلمات من مراجع كثير ويبسطها ويرتبها ومعاناته في كتابة الكتاب ومعاناته في الازهر لنشر الكتاب واللي طبعا واجهته صعوبات كثيرة .... وكل دا كان بيعملوا من لوجه الله غير راغب في اي مكسب مادي او أدبي .... وبردو قابلته صعوبات كتير .
ولكن الحقيقية وبعد حوالي 15 سنة انا بقول ان ثمرة هذا الكفاح تستحق المعاناه لاني فعلا وبعد تجارب كثيرة وجدت انه
أسهل من كدا مفيش وخصوصا بعد تحويل هذا الكتاب الي برنامج بسيط بمجهود
محمد عبد المنعم مجرد تكتب الكلمة زي ماهي في القرأن تلاقي المعني واضح وبسيط وممكن تفيد كثير الناس البسطاء والاطفال ايضا هيجدوا سهولة في التعامل معاه.
واتمني انه يتم تفعيلة في حياتنا اكتر من كدا لاني وعن تجربة قربت ادمنه ... وان شاء الله اتمني ان البرنامج كمان ميبقاش مرتبط بموقع
زيدوني فقط ولكن باسهام جديد ممكن يتعمل برنامج اندرويد علي الموبيلات هيبقي اسهل في التعامل بكتير من الكمبيوتر.
http://zedony.com/abgady {{uf:2342}}
