دى لعبة ظريفة اوى اكتشفتها من مراقبتي للأولاد وانهم بيحبوا يلعبوا دور الناس اللى بتأثر فيهم اوى سواء كان اب او ام او اخ كبير او صديق او قريب للعائلة
وانهم فى هذه السن الصغيرة بيحبوا التخيل والتمثيل وتقمص الشخصيات وان اللعب كلل حياتهم
ماهى اللعبة اللعبة عبارة عن اختيار ساعة او يوم كامل لتبادل ادواركم يعني يكون ابنك يمثل دور الأب او البنت تمثل دور الأم ولو فيه بنتين مثلاً يبقى كل واحد يوم والبنت الاخرى هاتكون اختك
وطبعاً بتوجيه بسيط وخفي منك هاتوجهيههم لكل مايجب ان يقوموا به
الفائدة: - كمية الخناقات هاتقل جداً بينهم تكاد تكون مختفية
- قيام الأولاد بكل ماتريدين ان يفعلوه في يومهم بس طريقة لطيفة وغير روتينية
- شعور الأولاد بالمسئولية وبحجم الصعوبات والمتاعب التى يقوم بها الابوين
- قضاء وقت ممتع بدل الأوامر والنواهى التى لاتنتهى منا نحن الاباء
- تعليم الصغار الاخلاق وطريقة المعاملة المطلوبة بين الاباء والابناء بطريقة عملية وفعالة وبين الاخوات بعضهم بعض
فيه حاجات تانية كتير مفيدة فى اللعبة اول مافتكرها هاكتبها لكم
يارب تعجبكم وتفيدكم
زغباوية {{uf:2337}}
