بالعقل كده لما واحد تسأله : تقدر تمسك وزير صناعة وتعمل فيها انجاز ؟ تفتكر هيرفض !!!!ويتعين وزير صناعة .. اللى بعده .... واللى بعده ,,,, وهكذا !!!! تلات سنين وهو نفس الاسلوب وهى نفس اللجدوى .. وعشرات لسنين اللى فاتت نفس السلوب !!! والنتيجة كلنا شايفين مصر متدهورة .. والكل بيصرف مرتبه ومكافآته ومخصصاته وميزاته الظاهرة والباطنة .. وتولع على وملعون ابو الشعب ..
ليه ما نغيرش الاسلوب الغبى ده .. انت بتجيب واحد غريب عن الوزارة ولا يعرف اى حاجة عنها .. هيحتاج اد ايه حتى يعرف ويتعرف ويلم ويحيط ويتمحص ويكتشف !!!وبعدين يبدأ فى وضع تصوره عما يريد ان يفعل .ثم انه لازم - ولا ادرى ايه لزومه - انه يعين له كام مستشار ..
انا لدى اقتراحان :
1- عمل تحريات جادة سرية بين كل ما يتبع وزارة ما للتوصل الى افضل شخصية من بين العاملين معروف عنها المبادرة والحسم وسرعة اكتشاف اسباب اى مشكلة وميله الى الحركة الدائبة فى اركان الوزارة ونزاهته فى التعامل واستقلاليه تفكيره .. واحد كهذا هل هناك افضل منه معرفة بسراديب وزخانيق وحناكيش ومنتفعين ومنافقين الوزارة ؟!!ليه ما اعينش ده وزير ؟!! دا كده انا بادى امل لكل اللى فى الوزارة انه ممكن بعمله يبقى وزير فى يوم ما ..
2- اعمل اعلان تعيين للوزارات المختلفة واقول فيه : كل من لديه القدرة على القيام بمهام الوزارة الفلانية من اصلاح وتطوير وخطط مستقبلية فعليه ان يسجل برنامجه الذى يراه ويقدمه الى مكتب رئيس الوزراء فى موعد اقصاه كذا ..وبعد ما تتجمع الملفات تتشكل لجنة عالية المستوى لفحص ومناقشة ما جاء بكل ملف .. والملفات تكون مشفرة . والملف ذو البرنامج الذى يأخذ غالبية الدرجات يعين .. لا وساطة ولا صداقة ولا مجاملة ..برامج بحثت واصحابها نوقشوا .. وتم اختيار الافضل .. فى شهر ونص ممكن يكون عندنا افضل وزراء فى حكومة عمرها ماحصلت !!!
عاوز حد يناقشنى اويهاجمنى ..