وعن فوائد المعرض اتكلم

5
1
الحمــــــــــــــد لله الذى تتم بنعمته الصالحات

نبذة عن المعرض :
- المعرض يتكون من الاكسسوارات وبعض الاشغال اليدوية الفنية من الفوم والكارتون من افكار وصنع الاولاد (وأولادى بنتين وولد سنهم 8 سنوات)

- الفكرة جاتلى من الفـــــــــــراغ فى الأجازة وتضيع وقت الولاد مابين التلفزيون او اللعب على الكمبيوتر بدون اى افادة والخناق والصراخ فيهم طول الوقت او التخليص بينهم

تم المعرض بنجاح لم نكن نتوقعه مادياً ومعنوياً ونفسياً لي وللأولاد


طبعاً مادياً دى ناس كتير هاتضحك عليها لان احنا اصلا رأس مالنا كان بسيط جدا ونسبة الربح كمان كانت بسيطة جدا والخامات اشتريناها غالية بس بالنسبة لتوقعاتنا فالحمد لله يُعتبر نجحنا وان مادياً دى ليست هدفى الاول ولا الاساسي بالرغم من انه مش مستحيلوبالوقت الموضوع هايتحس :(

وهذه بعض من فوائد المعرض :

1- وجود هدف مشترك بينى وبين الاولاد (بخلاف السابق كل واحد على كمبيوتر او التليفزيون وكل واحد عايش حياته مع نفسه)

2- التعاون المشترك بين الاولاد ومحاولة العمل كفريق واحد متكامل ( بخلاف مضايقاتهم لبعض وان كل واحد مش عايز التاني يقرب من حاجته طبعاً ده ماكانش سهل خالص ولا كانت نتيجته 100 % لكن النتيجة افضل وتتحسن تدريجياً

3- اخراج كل طاقة الاولاد فى شئ مفيد

4- تنمية مهاراتهم اليدوية والعقلية وتدريب ايديهم الصغيرة على عمل اشياء جديدة
5- وتدريبهم على انهاء المنتج بافضل شكل ممكن يعنى الاتقان فى العمل

6- تنمية خيالهم وابداعهم وتجسيده وتظبيته ليتحول الى منتجات واقعية مجسمة

7- وضعهم فى موضع مسئولية ونجاحهم

8- تدريبي انا شخصياً مع التعامل معهم بشكل افضل بكثير مما سبق فقل الصراخ والمعاملة السيئة من جانبي

9- وجود هدف لي شخصياً جعل ادائي افضل فى اعمال البيت وانهى طاقتى السلبية وحالتى النفسية السيئة

طبعاً مش هاقول ان الموضوع وردى او ان كله كان كويس وماشي فى طريق مستقيم بالعكس قابلنا انتكاسات كتير واحباطات اكتر وفشل وتعب جااااامد
ومن ضمنها احباطات وسخرية من بعض الاشخاص المقربين جدا لنا بس ده قلبناه تحدى اكبر بس طبعا كان القلق والتوتر كبير

لكن الحمد لله كانت تجربة رائعة ومفيدة جداً ويكفى انك تكون منتج وليس مستهلك فقط ده فى حد ذاته نجاح نفسي ومعنوى رهيب ويكفى ان يكون لك هدف ولو بسيط وحتى ولوفى نظر البعض مش جايب همه ولا تعبه فانسان بلا هدف انسان ميت فعلاً
وانصح كل الناس انها تجربها وصدقونى مش هاتخسروا حاجة بالعكس هاتكسبوا حاجات كتيرة جداً

دعواتكم ربنا يهديني ويهدي الأولاد ونكمــــــل ونطور مابدأناه ولانتوقف
واترككم مع صور المعرض {{uf:2253}} {{uf:2254}} {{uf:2255}} {{uf:2256}} {{uf:2257}} {{uf:2258}} {{uf:2259}} {{uf:2260}} {{uf:2261}}

 

التعليقات

شيماء مصطفي منذ 7 عام
فعلاًً فكرة حلوة لإستغلال الوقت 😞
وماشاء الله المنتجات جميلة
Menem منذ 7 عام
نسيتى اهمية ادخال الاولاد بشكل واقعى فى الجماعات من الناس الخرين فى المجتمع ..
ونسيتى تركزى على تصوير اكتر من لقطة للاولاد وهم يتعاملون مع الناس .. حتى يرو انفسهم بعين الكاميرا
زغباوية منذ 7 عام
شكراً ياشوشو
عندك حق طبعاً فيه فوائد كتير نسيت اكتبها
وبالنسبة للصور ففعلا ماصورتش كتير وكمان الصور بعد ما انظم المنتجات بس كل ما حد يجي يشتري الحاجة تتنعكش ومالحقش اصور فخدت الكام لقطة دول فى لحظة ماكانش فيها ناس بتشترى فماصدقت اصور ده غير ان كأول مرة نقف ونعمل معرض فطبعا الواحد كان متوتر وقلقان ومش مركز حتى رص المنتجات ماكانش بكفاءة البروفات اللى عملتها في البيت كذا مرة
بإذن الله المرة الجاية تتظبط اكتر
الباشمهندسة منذ 7 عام
بداية طيبة ... وان شاء الله المرة الجاية احسن واحسن .... واياكي والاحباط
زغباوية منذ 7 عام
ربنا يخليكي ياباشمهندسة ونصيحة غالية وبإذن الله اعمل بيها
Menem منذ 7 عام
عموما ونظرا الى ان كل حاجة من انتاج الاولاد واشتراكهم فى الاخراج انا ادى المعرض درجة 98%
زغباوية منذ 7 عام
شهادة اعتز بها شكراً جزيلاً الحمد لله
zedony.com - A mmonem.com production. Privacy Policy