الدراجات النارية والتكتك وسيلة الارهاب الحديث

4
0
الكل بيستهبل : المستوردون والتجار الجشعون والشعب اللى من المفترض مطحون .. والداخلية والمحافظون ..

الآلات دى اصبحت فى مصر بتعداد ربما يفوق تعداد الناموس والذباب ..وحتى حوارى القرى اصبحت مكتظة بها فما بال الطرق والشوارع فى الاحياء..

والكل مازال بيستهبل مع ان السيولة المرورية اصبحت فى ادنى درجاتها ..

والثلاث سنوات الماضية مرت والكل عامل انه مش شايف .. عربيات كتير بتتسرق وموتوسيكلات وتكاتك .. واستخدامها فى السرقة والخطف والاغتصاب اصبح يوميا ..

لكن ان تستخدم فى تسهيل الامور للارهابيين لينشروا القتل والتفجير فى انحاء البلاد امام اعين الجميع ..

السؤال : لماذا الكل عاجزون عن اتخاذ الموقف الصحيح بوقف اصدار تراخيص اى مركبات جديدة بمختلف انواعها ؟ ومنع استيرادها ؟.

السؤال التالى : هل الداخلية عاجزة عن استصدار قرار بمنع سير اى موتوسيكلات او تكاتك الا فى داخل الحى او القرية وحظرها تماما على الشوارع الرئيسية والطرق السريعة والعامة .. وان تمهد لهذا القرار باصدار تحذيرات
مسموعة ومقروءة ومرئية لمدة يوم واحد او يومين بانه سيتم اطلاق الرصاص على من يخالف هذ القرار ؟

للاسف ناس كتير قالت الكلام ده قبل كده لكن مازال الكل مستهبل ..

 

إضافة منذ 8 عام
Menem
5403
الكاتب الأصلي

المصدر

الغيظ

التعليقات

زغباوية منذ 8 عام
100 100
محمد عبد المنعم منذ 8 عام
أولا: أحب أن أرحب بالعضو الجديد Menem
ثانيا: الموضوع مش سهل كده لأن انت عارف ان عدد رهيب من الناس هيقعو تحت الضرر الشديد نتيجة الإجراءات اللي انت متخيل إنها كافية لإنهاء المشكلة. صحيح إن الناس دي ماشية غلط أساسا لكن الغلط اللي هم فيه دلوقتي هو اللي معيشهم
الموضوع ده زي موضوع اللي بنا مخالف وجاب ناس تسكن ... مش سهل كده تقول كل اللي بنا مخالف هنهد له اللي بناه

الموضوع لازم يجي بالراحة مع حزمة من الإجراءات والقوانين اللي تمهد له وتحط البدائل للناس دي بما لا يخليهم يحسو إنك بتموتهم ولا يخللي الموضوع زي ما هو

الحكومة الحالية كوضع سياسي للبلد وكإمكانيات وفي عدم وجود رئاسة للجمهورية لها سياسة واضحة يادوب تقدر تمش الأمور وتلعب على الهادي ... والهادي جدا كمان

تخيل حصل زي ما بتقول كده وقام إخواننا إياهم باستغلال الموقف وعملوا حاجة زي المظاهرات الفئوية تاني... تبقى جات لهم على طبق من ذهب مرصع بالألماس
Menem منذ 8 عام
اهلا بحضرتك ..اما بعد.. فهل يسعدنا ان نرى سقوط افراد الامن الداخلى صرعى يوميا ؟ ناهيك عن افراد الجيش ..
هناك مناطق تجمع معروفة للارهابيين يجب باى شكل تطويقها لمنع تحركهم السريع ..
Menem منذ 8 عام
شايف انى على الحاسوب من الساعة 12.. التعليقة كان سببها ان الزر الاحمر اللى تحت كان منضغط .. وكان معلق الانترنت والشاشة
الباشمهندسة منذ 8 عام
ايه يا ناس ... القرار صدر من يوم حادثة كمين طريق الاسماعيلة من كام يوم ... والقرار صريح حظر استراد الدراجات البخارية والتوكتوك لمدة عام .

واعتقد دي بداية جيدة.

ودا رابط الخبر

http://arabic.cnn.com/business/2014/02/12/egypt-tuc-tuc
الباشمهندسة منذ 8 عام
اما عشان يمنع السير يبقي هيكون فيه تعويض مالي كبير لان في ناس دخلها قائم علي التكتوك واستخدام المتوسيكلات زي الدليفري مثلا واللي امكانياته المادية بسيطة ومايقدرش يشتري عربية ووسيلة المواصلات الميسرة له هي الموتوسيكل
Menem منذ 8 عام
كلكو على ولا ايه !!!!!!!
زغباوية منذ 8 عام
طيب يستنوا لما اشترى التوكتوك وبعد كدا يمنعوه ...يالا مالناش نصيب 😃
zedony.com - A mmonem.com production. Privacy Policy