العلاج:
وزارة الصحة وظيفتها توفير العلاج فى مستشفيات الدولة فى كل مركز ومدينة وقرية ..
وزارة الصحة عاملة حاجة اسمها الهيئة العامة للتأمين الصحى !!!
وزارة الصحة فيها حاجة اسمها المؤسسة العلاجية !!
وزارة الصحة الايام دى بتفكر تعمل حاجة جديدة اسمها هيئة الرعاية الصحية !! كبديل لاسلوب ( قرارات العلاج على نفقة الدولة ) .. عارفين الوزارة فيه كام مستشار ؟
ادى النتيجة !!! لا فيه وزارة ولا فيه علاج .. لكن الحمد لله عندنا مستشارين
الاسعار:
مصلحة الضرايب بتستنى لما تشوف السعر بقى كام فى السوق السودة وتربط عليه ضريبة المبيعات.. فالتجار يعلو السعر تانى .. فالمصلحة تعلى الضريبة تانى وهكذا !!! مين بقى اللى بيدفع الفلوس ؟ المواطن المطحون اصلا ..
ليه بقى مصلحة الضرايب وهى تتبع المالية ما بتثبتش الاسعار بكتابتهاعلى غلاف السلعة ؟؟ اى سلعة !!
يعنى المالية بتلم فلوس من المواطنين عن طريق رفع ضريبة المبيعات على المستهلك علشان تزود خزانة الدولة فتيجى وزارة الصحة تاخدها علشان تصرفها على الهيئة الجديدة للرعاية الصحية !!
هو احنا عندنا مجلس وزراء ؟!!!